قازاقستاندىق كونكيمەن جۇگىرۋشى ەۆگەني كوشكين نيدەرلاندتىڭ حەرەنۆەن قالاسىندا ءوتىپ جاتقان الەم كۋبوگىنىڭ كەزەڭىندە جەڭىمپاز اتاندى. بۇل تۋرالى 2 ناۋرىزدا ۇلتتىق وليمپيادالىق كوميتەتتىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«قازاقستاندىق سپورتشى 500 مەتر قاشىقتىقتا ۇزدىك ناتيجە كورسەتتى. ونىڭ ۋاقىتى – 34,46 سەكۋند. مارەگە ەكىنشى بولىپ كانادالىق لورەن ديۋبرەل جەتتى – 34,51 سەكۋند. قولا جۇلدەنى نيدەرلاندتىق ەننينگ دە بوو يەلەندى – 34,52 سەكۋند»،—دەلىنگەن حابارلامادا.
ايتا كەتەيىك، بۇعان دەيىن وسى الەم كۋبوگىنىڭ كەزەڭىندە كوشكين ءۇشىنشى ورىن العان بولاتىن.
