تاشكەنت قالاسىنداعى مىرزا-ۇلىقبەككە اۋدانىنداعى كوپقاباتتى تۇرعىن ءۇيدىڭ سوڭعى قاباتىندا جارىلىس بولدى، دەپ حابارلايدى "ادىرنا" ۇلتتىق پورتالى Gazeta.uz-عا سىلتەمە جاساپ.
توتەنشە جاعدايلار باسقارماسىنىڭ مالىمەتىنشە، جارىلىس "قاراسۋ-4" تۇرعىن اۋدانىنداعى توعىز قاباتتى ۇيدە بولعان. قوڭىراۋ جەرگىلىكتى قۇتقارۋ قىزمەتىنە 15:23-تە تۇسكەن. وقيعا ورنىنا ءورت سوندىرۋشىلەر، پوليتسيا، پروكۋراتۋرا قىزمەتكەرلەرى مەن مەديتسينا ماماندارى شۇعىل جەتتى. ءورت 16:07-دە تولىق ءسوندىرىلدى.
التى ادام قۇتقارىلىپ، جەدەل جاردەم قىزمەتىنە تاپسىرىلدى. ولاردىڭ ىشىندە ەكى بالا بولعان.
جەرگىلىكتى بيلىك جارىلىستان بىرنەشە ادامنىڭ زارداپ شەككەنىن مالىمدەدى. ءبىر بالا اۋرۋحاناعا بارار جولدا قايتىس بولعان. ال ەكىنشى بالا دارىگەرلەردىڭ باقىلاۋىندا.
الدىن الا بولجام بويىنشا، جارىلىستى تۇرعىنداردىڭ ءبىرى قاساقانا ۇيىمداستىرعان.
ول گازدى اشىپ، كەيىننەن ءوزىن-ءوزى ءولتىرۋ ماقساتىندا تەرەزەدەن سەكىرگەن. ەر ادام وقيعا ورنىندا كوز جۇمعان.
