Taşkent qalasyndaǧy Myrza-Ūlyqbekke audanyndaǧy köpqabatty tūrǧyn üidıŋ soŋǧy qabatynda jarylys boldy, dep habarlaidy "Adyrna" ūlttyq portaly Gazeta.uz-ǧa sılteme jasap.
Tötenşe jaǧdailar basqarmasynyŋ mälımetınşe, jarylys "Qarasu-4" tūrǧyn audanyndaǧy toǧyz qabatty üide bolǧan. Qoŋyrau jergılıktı qūtqaru qyzmetıne 15:23-te tüsken. Oqiǧa ornyna ört söndıruşıler, polisiia, prokuratura qyzmetkerlerı men medisina mamandary şūǧyl jettı. Ört 16:07-de tolyq söndırıldı.
Alty adam qūtqarylyp, jedel järdem qyzmetıne tapsyryldy. Olardyŋ ışınde ekı bala bolǧan.
Jergılıktı bilık jarylystan bırneşe adamnyŋ zardap şekkenın mälımdedı. Bır bala auruhanaǧa barar jolda qaitys bolǧan. Al ekınşı bala därıgerlerdıŋ baqylauynda.
Aldyn ala boljam boiynşa, jarylysty tūrǧyndardyŋ bırı qasaqana ūiymdastyrǧan.
Ol gazdy aşyp, keiınnen özın-özı öltıru maqsatynda terezeden sekırgen. Er adam oqiǧa ornynda köz jūmǧan.
Ūqsas jaŋalyqtar
