1 nauryz künı saǧat 10:20 şamasynda Atyrau oblysyndaǧy Tendık stansiiasynyŋ temırjol ötkelınde ırı jol-kölık oqiǧasy boldy. Jük kölıgı jürgızuşısınıŋ jol qozǧalysy erejelerın būzuynan jük poiyzyna soqtyǧysyp, lokomotiv pen 11 bos vagon relsten şyǧyp kettı, dep habarlaidy "Adyrna" ūlttyq portaly.
Apat saldarynan lokomotiv brigadasynyŋ qyzmetkerlerı jaraqat aldy. Qazırgı uaqytta oqiǧanyŋ män-jaiy anyqtaluda.
"2024 jyly temırjol ötkelderınde avtokölık jürgızuşılerınıŋ jol qozǧalysy erejelerın būzuyna bailanysty 28 jol-kölık oqiǧasy tırkeldı. QTJ osyndai jaǧdailardyŋ aldyn alu üşın temırjol ötkelderındegı qauıpsızdık erejelerın saqtaudyŋ maŋyzdylyǧyn eskertedı," – dep mälımdedı «Qazaqstan temır joly» ŪK» AQ baspasöz qyzmetı.Eske sala ketsek, būǧan deiın Qaraǧandy oblysynda jük poiyzynyŋ vagondary relsten şyǧyp ketkenı turaly habarlanǧan bolatyn.
Ūqsas jaŋalyqtar
