Ázerbaıjan Bakýden Groznyıǵa ushyp bara jatqan AZAL jolaýshylar ushaǵynyń apatyna Sheshenstan basshylyǵynyń eshqandaı qatysy joq ekenin aıtty. Bul týraly Minval derekkózi jazdy, dep habarlaıdy “Adyrna” ulttyq portaly.
Málimette Sheshenstannyń bul apatqa eshqandaı qatysy joq ekeni aıtyldy.
Aıta ketsek, Sheshenstan basshysy Ramzan Qadyrov 2024 jyldyń jeltoqsan aıynda qulaǵan AZAL Embraer E190 ushaǵynyń ekıpaj múshelerin «Sheshenstan Respýblıkasyna sińirgen eńbegi úshin» medaldarymen marapattaǵan bolatyn. Sondaı-aq, Qadyrovtyń aıtýynsha, Sheshenstanda apat qurbandaryna arnalǵan eskertkish taqta ornatylady.
Eske sala keteıik, 2024 jyldyń 25 jeltoqsanynda Baký-Groznyı reısin oryndaǵan «Ázerbaıjan áýe joldarynyń» jolaýshylar ushaǵy Aqtaý qalasyna jaqyn jerde apatqa ushyraǵan. Ushaqta 67 adam bolǵan, onyń 38-i qaza taýyp, 29 adam aman qalǵan.
Aldyn ala málimetter boıynsha, apattyń sebebi Reseıdiń áýe keńistigindegi Groznyı mańynda syrtqy fızıkalyq jáne tehnıkalyq áserden bolǵan.
