بۇگىن قازاقتىڭ كورنەكتى جازۋشىسى، جۋرناليست، عالىم، پەداگوگ ءابىلفايىز ىدىرىسوۆتىڭ تۋعانىنا 95 جىل تولدى.
ول قازاق ادەبيەتى مەن جۋرناليستيكاسىنا زور ۇلەس قوسقان تۇلعالاردىڭ ءبىرى.
ءابىلفايىز ىدىرىسوۆ 1930 جىلى قوستاناي وبلىسىنىڭ امانگەلدى اۋدانىنداعى ەگىندىساي اۋىلىندا تۋعان.
جازۋشى، جۋرناليست، پەداگوگ، تاريح عىلىمدارىنىڭ كانديداتى. ءوزىنىڭ ەڭبەك جولىن «قازاقستان پيونەرى» گازەتىنىڭ رەداكتسياسىندا ادەبي قىزمەتكەر رەتىندە باستاپ، باس رەداكتور قىزمەتىنە دەيىن كوتەرىلگەن. سونداي-اق، راديودا، رەسپۋبليكالىق باسىلىمداردا قىزمەت اتقارىپ، ءال-فارابي اتىنداعى قازاق ۇلتتىق ۋنيۆەرسيتەتىندە كوپ جىلدار بويى ۇستازدىق ەتتى.
ءوزىنىڭ شىعارماشىلىق ەڭبەك جولىندا 800-دەن استام پۋبليتسيستيكالىق ماقالالار، وچەركتەر، وقۋلىقتار، «قازاق جۋرناليستيكاسىنىڭ تاريحى»، «وچەرك جۋرناليستيكا جانرى رەتىندە»، «باسپا ونىمدەرىن اسەمدەۋ» تاعى باسقا دا پاندەر بويىنشا ادىستەمەلىك قۇرالدار دايىندادى. «اۋەزوۆكە – ىڭكارلىك»، «ءبىرتۋارلار بولمىسى» ەسسەلەر جيناقتارى، «تاڭشولپان» رومان-حيكاياسى، «اڭساعان مەنىڭ ءانىمسىڭ»، «بەرىك»، «مۇحامەدي» پوۆەستەرى جارىق كورگەن.
ءابىلفايىز ىدىرىسوۆ 2019 جىلى 89 جاسىندا دۇنيەدەن وزعان.
