اقش قورعانىس مينيسترلىگى 5 مىڭنان استام ازاماتتىق قىزمەتكەردى جۇمىستان شىعاراتىنىن مالىمدەدى. بۇل شەشىم دونالد ترامپ اكىمشىلىگى تاراپىنان قابىلداندى، دەپ حابارلايدى "ادىرنا" ۇلتتىق پورتالى.
The Washington Post باسىلىمىنىڭ مالىمەتىنشە، ەڭ الدىمەن سىناق مەرزىمىندەگى قىزمەتكەرلەر جۇمىستان بوساتىلادى. جاپپاي قىسقارتۋ كەلەسى اپتادا باستالادى، سونىمەن قاتار جاڭا كادرلاردى جۇمىسقا الۋ ۋاقىتشا توقتاتىلادى.
مينيسترلىك بۇل شارالار ەلدىڭ قورعانىس قابىلەتىنە كەرى اسەر ەتپەيتىنىن، تەك مەملەكەتتىك بيۋدجەت شىعىندارىن ءتيىمدى باسقارۋعا باعىتتالعانىن اتاپ ءوتتى.
جالپى، پەنتاگون ازاماتتىق قىزمەتكەرلەرىنىڭ 8%-ىن نەمەسە شامامەن 70 مىڭ ادامدى قىسقارتۋدى جوسپارلاپ وتىر.
