AQSh Qorǵanys mınıstrligi 5 myńnan astam azamattyq qyzmetkerdi jumystan shyǵaratynyn málimdedi. Bul sheshim Donald Tramp ákimshiligi tarapynan qabyldandy, dep habarlaıdy "Adyrna" ulttyq portaly.
The Washington Post basylymynyń málimetinshe, eń aldymen synaq merzimindegi qyzmetkerler jumystan bosatylady. Jappaı qysqartý kelesi aptada bastalady, sonymen qatar jańa kadrlardy jumysqa alý ýaqytsha toqtatylady.
Mınıstrlik bul sharalar eldiń qorǵanys qabiletine keri áser etpeıtinin, tek memlekettik bıýdjet shyǵyndaryn tıimdi basqarýǵa baǵyttalǵanyn atap ótti.
Jalpy, Pentagon azamattyq qyzmetkerleriniń 8%-yn nemese shamamen 70 myń adamdy qysqartýdy josparlap otyr.
