جۋرناليست، اقىن دۇيسەنالى الىماقىننىڭ "امەريكا اشقان قازاقتار" اتتى جاڭا كىتابى جارىققا شىقتى، دەپ حابارلايدى "ادىرنا" ۇلتتىق پورتالى.
بۇل ەڭبەك اۆتوردىڭ "بولاشاق" باعدارلاماسى اياسىندا ۆاشينگتون ۋنيۆەرسيتەتىندە تاجىريبەدەن ءوتىپ، اقش-تاعى ارحيۆتەردە جۇرگىزگەن زەرتتەۋىنىڭ ناتيجەسى.
كىتاپتا امەريكا كىتاپحانالارىنداعى قازاقتارعا قاتىستى تاريحي دەرەكتەر جيناقتالعان. اۆتوردىڭ ايتۋىنشا، ءاربىر تاپقان مالىمەتىن ەرەكشە تولقىنىسپەن قابىلداپ، وقىرمانعا جەتكىزۋگە اسىققان.
"امەريكا اشقان قازاقتار" اتتى بۇل كىتابىم ۆاشينگتوندا جازىلىپ，الماتىدا جارىق كوردى. كىتاپقا اقش كىتاپحانالارىندا ساقتالعان قازاققا قاتىستى دەرەكتەر ەندى. مەن كىتاپحانالاردا كەزدەستىرگەن وزىمىزگە قاتىستى ءاربىر دەرەكتى جۇرەگىمە باسىپ قۇشاقتاپسىزدەرگە جەتكىزۋگە اسىققانىم راس. كىتاپ بولىپ جارىق كورىپسىزدەردىڭ سورەلەرىڭىزدە تۇرساالىستاعاعى ارحيۆتەردە ءبىزدىڭ ەل تۋرالى جازبالار بار ەكەنىن جۇرت بىلسە دەگەن ماقساتىم ورىندالدى" - دەپ جازدى اۆتور Facebook پاراقشاسىندا.
كىتاپتىڭ العىسوزىن قازىرگى اباي وبلىسىنىڭ اكىمى بەرىك ءۋالي جازعان. جوباعا "بولاشاق" باعدارلاماسى مەن "زەينوللا سانىك" اتىنداعى مادەنيەت قورى قولداۋ كورسەتكەن. سونداي-اق، اۆتور ەڭبەكتىڭ جارىق كورۋىنە ۇلەس قوسقان بىرقاتار قوعام قايراتكەرلەرى مەن زيالى قاۋىم وكىلدەرىنە العىسىن ءبىلدىردى.
بۇل كىتاپ اقش-تاعى ارحيۆتەردە ساقتالعان قازاق تاريحىنا قاتىستى تىڭ مالىمەتتەردى وقىرمان نازارىنا ۇسىنىپ، زەرتتەۋشىلەر مەن قىزىعۋشىلىق تانىتقان جاندارعا قۇندى دەرەككوز بولماق.
