22 اقپان كۇنى حاماس پەن يزرايل سوعىستى توقتاتۋ كەلسىمىنىڭ ءبىرىنشى كەزەڭىنىڭ سوڭعى تۇتقىن الماسۋىن جۇزەگە اسىردى، دەپ حابارلايدى "ادىرنا" ۇلتتىق پورتالى Times of Israel-گە سىلتەمە جاساپ.
حاماس التى يزرايلدىك تۇتقىندى بوساتتى. ولاردى قىزىل كرەست وكىلدەرىنە گازا سەكتورىندا تاپسىردى.
يزرايل اسكەري كۇشتەرى بارلىق التى تۇتقىننىڭ يزرايلگە جەتكىزىلگەنىن راستادى. حاماس-تىڭ مالىمدەۋىنشە، تۇتقىندار ءيزرايلدىڭ اراب قاۋىمىنا دەگەن قۇرمەتى رەتىندە سالتاناتتى ءراسىمسىز بوساتىلعان.
قاماۋدان شىققانداردىڭ جاسى 20 مەن 40 ارالىعىندا. ولاردىڭ تورتەۋى 2023 جىلعى 7 قازاندا حاماس يزرايلگە شابۋىل جاساعان كەزدە مۋزىكالىق فەستيۆالدە تۇتقىنعا الىنعان. ال قالعان ەكەۋى گازاعا ءوز ەركىمەن كىرىپ، شامامەن 10 جىل تۇتقىندا بولعان. ولاردىڭ تۋىستارى ەكەۋىنىڭ دە پسيحيكالىق سىرقاتتارى بار ەكەنىن ايتادى.
6 تۇتقىننىڭ ورنىنا يزرايل تۇرمەلەرىنەن 602 پالەستينالىق بوساتىلىپ، ولاردىڭ 100-دەن استامى دەپورتاتسيالانباق. التاۋى دەپورتاتسيادان باس تارتىپ، يزرايل تۇرمەلەرىندە قالۋدى ءجون كورگەن.
بۇل يزرايل مەن حاماس اراسىنداعى اتىستى توقتاتۋدىڭ العاشقى كەزەڭىندەگى سوڭعى تۇتقىن الماسۋى ەكەنى حابارلاندى. قازىرگى ۋاقىتتا ەكىنشى كەزەڭ شارتتارى بويىنشا كەلىسسوزدەر ءجۇرىپ جاتىر. وندا حاماس ءيزرايلدىڭ گازادان تولىقتاي كەتۋىن تالاپ ەتۋدە.
