22 aqpan kúni HAMAS pen Izraıl soǵysty toqtatý kelsiminiń birinshi kezeńiniń sońǵy tutqyn almasýyn júzege asyrdy, dep habarlaıdy "Adyrna" ulttyq portaly Times of Israel-ge silteme jasap.
HAMAS alty ızraıldik tutqyndy bosatty. Olardy Qyzyl Krest ókilderine Gaza sektorynda tapsyrdy.
Izraıl áskerı kúshteri barlyq alty tutqynnyń Izraılge jetkizilgenin rastady. HAMAS-tyń málimdeýinshe, tutqyndar Izraıldiń arab qaýymyna degen qurmeti retinde saltanatty rásimsiz bosatylǵan.
Qamaýdan shyqqandardyń jasy 20 men 40 aralyǵynda. Olardyń tórteýi 2023 jylǵy 7 qazanda HAMAS Izraılge shabýyl jasaǵan kezde mýzykalyq festıvalde tutqynǵa alynǵan. Al qalǵan ekeýi Gazaǵa óz erkimen kirip, shamamen 10 jyl tutqynda bolǵan. Olardyń týystary ekeýiniń de psıhıkalyq syrqattary bar ekenin aıtady.
6 tutqynnyń ornyna Izraıl túrmelerinen 602 palestınalyq bosatylyp, olardyń 100-den astamy deportaııalanbaq. Altaýy deportaııadan bas tartyp, Izraıl túrmelerinde qalýdy jón kórgen.
Bul Izraıl men HAMAS arasyndaǵy atysty toqtatýdyń alǵashqy kezeńindegi sońǵy tutqyn almasýy ekeni habarlandy. Qazirgi ýaqytta ekinshi kezeń sharttary boıynsha kelissózder júrip jatyr. Onda HAMAS Izraıldiń Gazadan tolyqtaı ketýin talap etýde.
