تورونتو قالاسىنا قونۋ كەزىندە اۋدارىلعان ۇشاقتاعى بارلىق جولاۋشىعا ەشقانداي شارتسىز 30 000 دوللار وتەماقى ۇسىنىلدى. بۇل تۋرالى Euronews جازدى، دەپ حابارلايدى “ادىرنا” ۇلتتىق پورتالى.
Delta Airlines اۋە كومپانياسى تورونتو حالىقارالىق اۋەجايىندا قونۋ كەزىندە اۋدارىلىپ، ورتەنگەن ۇشاقتا بولعان بارلىق جولاۋشىلارعا 30 000 دوللار وتەماقى ۇسىندى.
رەيستەگى 76 جولاۋشى مەن ءتورت ەكيپاج مۇشەسىنىڭ ەشقايسىسى قازا تاپپاسا دا، بارىنە وتەماقى ۇسىنىلدى. Delta Airlines وكىلى بۇل ۇسىنىستىڭ ەشقانداي شارتقا نەگىزدەلمەگەنىن، ياعني جولاۋشىلار ءالى دە اۋە كومپانياسىنا قارسى سوتقا جۇگىنۋگە قۇقىلى ەكەنىن ايتتى. جالپى تولەمنىڭ بولجامدى سوماسى 2,3 ميلليون دوللاردى قۇرايدى.
17 اقپاندا امەريكاندىق Delta Airlines اۋە كومپانياسىنىڭ ۇشاعى تورونتونىڭ پيرسون اۋەجايىندا قونۋ كەزىندە اۋدارىلىپ قالعان بولاتىن. اپات سالدارىنان 21 جولاۋشى جاراقات الدى.
كۋاگەرلەردىڭ ايتۋىنشا، ۇشاق قاتتى قونعاندىقتان، ونىڭ وڭ جاق قاناتى مەن ارتقى بولىگى ءۇزىلىپ، ۇشاق ورتەنىپ، قونۋ جولاعىندا اۋدارىلىپ قالعان.
اۆياتسيالىق ساراپشىلاردىڭ پىكىرىنشە، اپات سەبەبىنە جەردەگى جاعدايلار، ۇشقىشتىڭ قونۋ الدىندا جاساعان ارەكەتتەرى مەن شاسسي ماسەلەلەرى بولۋى مۇمكىن. تەرگەۋدى كانادانىڭ كولىك قاۋىپسىزدىگى كەڭەسى اقش-تىڭ ۇلتتىق كولىك قاۋىپسىزدىگى كەڭەسىنىڭ قولداۋىمەن جۇرگىزىپ جاتىر.
