فرانتسيا ۋكرايناداعى سوعىس پەن ەۋروپاداعى قاۋىپسىزدىك ماسەلەلەرىن تالقىلاۋ ءۇشىن ەكىنشى سامميت وتكىزۋدى جوسپارلاپ وتىر. Reuters اگەنتتىگىنىڭ مالىمەتىنشە، بۇل جيىن 19 اقپاندا ءوتۋى مۇمكىن، دەپ حابارلايدى “ادىرنا” ۇلتتىق پورتالى.
جاڭا سامميتكە الدىڭعى كەزدەسۋگە قاتىسپاعان ەۋروپالىق ەلدەردىڭ كوشباسشىلارى مەن ناتو-نىڭ ەۋروپالىق وداقتاستارىنىڭ ءبىرى – كانادا شاقىرىلعان.
دەرەككوزدەرگە سۇيەنسەك، جيىنعا نورۆەگيا، ليتۆا، ەستونيا، لاتۆيا، چەحيا، گرەتسيا، فينليانديا، رۋمىنيا، شۆەتسيا جانە بەلگيا وكىلدەرى قاتىسۋى مۇمكىن. كەزدەسۋ گيبريدتى فورماتتا وتەدى، ياعني كەيبىر ەل باسشىلارى بەينەبايلانىس ارقىلى قوسىلادى.
بۇعان دەيىن 17 اقپاندا فرانتسيا پرەزيدەنتى ەممانۋەل ماكروننىڭ باستاماسىمەن پاريجدە العاشقى شۇعىل سامميت وتكەن. وعان ۇلىبريتانيا، گەرمانيا، يتاليا، پولشا، يسپانيا، نيدەرلاند جانە دانيا كوشباسشىلارى، سونداي-اق ناتو مەن ەو وكىلدەرى قاتىسقان.
كەزدەسۋ قورىتىندىسى بويىنشا ەشقانداي رەسمي مالىمدەمە جاسالعان جوق.
سامميتتە ۋكرايناعا قاۋىپسىزدىك كەپىلدىكتەرىن بەرۋ، ەۋروپانىڭ قورعانىس شىعىندارى جانە اقش-تىڭ سوعىستى توقتاتۋ جونىندەگى كۇش-جىگەرى تالقىلاندى.
ەو وكىلدەرىنىڭ ايتۋىنشا، كەيبىر ەلدەر بۇل جيىننىڭ تولىققاندى ەو ءسامميتى ەمەس، تەك “تاڭداۋلى كوشباسشىلار” قاتىسقان كەزدەسۋ بولعانىنا نارازىلىق بىلدىرگەن.
