قوسشى قالاسىنىڭ 2038 جىلعا دەيىنگى باس جوسپارى بەكىتىلدى. بۇل ماڭىزدى قۇجات قالانىڭ كەشەندى دامۋىن قامتاماسىز ەتىپ، ونىڭ الەۋمەتتىك، ەكونوميكالىق جانە ينجەنەرلىك ينفراقۇرىلىمىن جاقسارتۋعا باعىتتالعان.
باس جوسپار ەلدى مەكەننىڭ تۇرعىن ءۇي قۇرىلىسىن كەڭەيتۋ، كولىك جۇيەسىن دامىتۋ، الەۋمەتتىك ينفراقۇرىلىمدى جەتىلدىرۋ، ەكولوگيالىق تۇراقتىلىقتى ساقتاۋ سياقتى ستراتەگيالىق ماقساتتارىن ايقىندايدى.
حالىق سانىنىڭ ءوسۋى بولجام بويىنشا 2038 جىلى – 150 مىڭ ادامدى قۇراۋى ءتيىس. Cول سەبەپتى، 2038 جىلعا قاراي – 4,5 ملن شارشى مەتر جاڭا تۇرعىن ءۇي سالۋ جوسپارلانعان. قالا تۇرعىندارىنىڭ جايلى ءومىر ءسۇرۋىن قامتاماسىز ەتۋ ءۇشىن باس جوسپار اياسىندا مىناداي الەۋمەتتىك نىساندار، ياعني 31 بالاباقشا (13,5 مىڭ ورىن), 16 مەكتەپ (23,8 مىڭ ورىن), وبلىستىق اۋرۋحانا (900 توسەك-ورىن) جانە 7 ەمحانا، كوپفۋنكتسيونالدى مادەني ورتالىقتار، كىتاپحانالار، تەاترلار سالۋ كوزدەلگەن. سونداي-اق، قوعامدىق دەمالىس ورىندارى نازاردان تىس قالعان جوق. ساياباقتار، گۇلزارلار مەن جاعالاۋ ايماقتارى دا باس جوسپارعا ەنگىزىلگەن.
قوسشى قالاسىنىڭ كولىك جۇيەسىن جەتىلدىرۋ ماقساتىندا جاڭا ماگيسترالدار مەن جول وتكەلدەرى سالۋ، قوعامدىق كولىكتى دامىتۋ جوسپارى قاراستىرىلعان.
ينجەنەرلىك ينفراقۇرىلىعا كەلەر بولساق، سۋ قۇبىرى جەلىلەرىن 186 كم-دەن 249 كم-گە دەيىن كەڭەيتۋ كوزدەلگەن. كارىز جەلىسى 122 كم-دەن 164,5 كم-گە دەيىن ۇلعايتىلادى. ەلەكتر قۋاتىن تۇتىنۋ 155 مۆت-تان 258 مۆت-قا دەيىن ارتادى. «سارىارقا» ماگيسترالدىق گاز قۇبىرى ارقىلى قوسشى قالاسى تولىق گازبەن جابدىقتالادى.
ونەركاسىپتىك جانە كاسىپكەرلىكتى دامىتۋدا ءجىتى نازاردا بولادى. قوسشى قالاسىنىڭ ەكولوگيالىق تۇراقتىلىعى جانە كوگالداندىرۋ باستى مىندەتتەردىڭ ءبىرى. باس جوسپاردا ەكولوگيالىق تۇراقتىلىقتى ساقتاۋ ەرەكشە نازارعا الىنعان.
باس جوسپاردى جۇزەگە اسىرۋ ءۇشىن 2025-2030 جىلدارى 1,15 ترلن تەڭگە ينۆەستيتسيا تارتۋ جوسپارلانعان. قوسشى قالاسىنىڭ 2038 جىلعا دەيىنگى باس جوسپارى – ءوڭىردىڭ الەۋمەتتىك-ەكونوميكالىق دامۋىن جەدەلدەتۋگە، حالىقتىڭ ءومىر ساپاسىن جاقسارتۋعا، ينفراقۇرىلىمدى جەتىلدىرۋگە باعىتتالعان ستراتەگيالىق جوبا.
جوبانىڭ ءساتتى جۇزەگە اسۋى قوسشىنى استاناعا سەرىكتەس زاماناۋي قالاعا اينالدىرۋعا مۇمكىندىك بەرەدى.
