Qosşy qalasynyŋ 2038 jylǧa deiıngı bas jospary bekıtıldı

Qosşy qalasynyŋ 2038 jylǧa deiıngı bas jospary bekıtıldı. Būl maŋyzdy qūjat qalanyŋ keşendı damuyn qamtamasyz etıp, onyŋ äleumettık, ekonomikalyq jäne injenerlık infraqūrylymyn jaqsartuǧa baǧyttalǧan. Bas jospar eldı mekennıŋ tūrǧyn üi qūrylysyn keŋeitu, kölık jüiesın damytu, äleumettık infraqūrylymdy jetıldıru, ekologiialyq tūraqtylyqty saqtau siiaqty strategiialyq maqsattaryn aiqyndaidy. Halyq sanynyŋ ösuı boljam boiynşa 2038 jyly – 150 myŋ adamdy qūrauy tiıs. Col sebeptı, 2038 jylǧa qarai – 4,5 mln şarşy metr jaŋa tūrǧyn üi salu josparlanǧan. Qala tūrǧyndarynyŋ jaily ömır süruın qamtamasyz etu üşın bas jospar aiasynda mynadai äleumettık nysandar, iaǧni 31 balabaqşa (13,5 myŋ oryn), 16 mektep (23,8 myŋ oryn), oblystyq auruhana (900 tösek-oryn) jäne 7 emhana, köpfunksionaldy mädeni ortalyqtar, kıtaphanalar, teatrlar salu közdelgen. Sondai-aq, qoǧamdyq demalys oryndary nazardan tys qalǧan joq. Saiabaqtar, gülzarlar men jaǧalau aimaqtary da bas josparǧa engızılgen. Qosşy qalasynyŋ kölık jüiesın jetıldıru maqsatynda jaŋa magistraldar men jol ötkelderı salu, qoǧamdyq kölıktı damytu jospary qarastyrylǧan. İnjenerlık infraqūrylyǧa keler bolsaq, su qūbyry jelılerın 186 km-den 249 km-ge deiın keŋeitu közdelgen. Kärız jelısı 122 km-den 164,5 km-ge deiın ūlǧaitylady. Elektr quatyn tūtynu 155 MVt-tan 258 MVt-qa deiın artady. «Saryarqa» magistraldyq gaz qūbyry arqyly Qosşy qalasy tolyq gazben jabdyqtalady. Önerkäsıptık jäne käsıpkerlıktı damytuda jıtı nazarda bolady. Qosşy qalasynyŋ ekologiialyq tūraqtylyǧy jäne kögaldandyru basty mındetterdıŋ bırı. Bas josparda ekologiialyq tūraqtylyqty saqtau erekşe nazarǧa alynǧan. Bas jospardy jüzege asyru üşın 2025-2030 jyldary 1,15 trln teŋge investisiia tartu josparlanǧan. Qosşy qalasynyŋ 2038 jylǧa deiıngı bas jospary – öŋırdıŋ äleumettık-ekonomikalyq damuyn jedeldetuge, halyqtyŋ ömır sapasyn jaqsartuǧa, infraqūrylymdy jetıldıruge baǧyttalǧan strategiialyq joba. Jobanyŋ sättı jüzege asuy Qosşyny Astanaǧa serıktes zamanaui qalaǧa ainaldyruǧa mümkındık beredı.