Astanadaǵy turǵyn úı keshenderiniń birinde lıftide bes jasar balaǵa shabýyl jasap, qolyndaǵy pyshaqpen betin tilgilep tastaǵan jasóspirim psıhıatrııalyq aýrýhanaǵa jatqyzyldy. Bul týraly Bala quqyqtary jónindegi ýákil Dınara Zákıeva málim etti, dep habarlaıdy “Adyrna” ulttyq portaly.
Balalar ombýdsmeniniń aıtýynsha, sot ony oqshaýlaý týraly sheshim qabyldaǵan.
«Astana qalasynyń mamandandyrylǵan aýdanaralyq tergeý sotynyń 2025 jyldyń 12 aqpanyndaǵy qaýlysyna sáıkes, medıınalyq mekemege ornalastyryldy. Ol kúsheıtilgen baqylaýǵa alyndy», - dedi balalar ombýdsmeni CMN-ge.
Sondaı-aq Dınara Zákıeva ótken jyly kámeletke tolmaǵandar 1890 qylmystyq quqyq buzýshylyq jasaǵanyn, onyń 130-y asa aýyr ekenin, sondaı-aq jasóspirimderdiń qolymen nemese olardyń qatysýymen jasalǵan 12 kisi óltirý faktisin aıtty.
«Qylmys jasaǵannan keıin májbúrli emdelýden ótken psıhıkalyq aýytqýlary bar adamdar ornalasqan mekemede qazir 745 adam baqylaýda. Onyń bireýi – 2025 jyly túsken bala. 2024 jyly kámeletke tolmaǵandar qabyldanǵan joq», - dep túsindirdi Dınara Zákıeva.
