Astana qalasynda burynǵy sheneýnik Erjan Babaqumarov alkogoldik masań kúıde kólik júrgizgeni úshin 15 táýlikke ákimshilik qamaýǵa alynyp, jeti jylǵa júrgizýshi kýáliginen aıyryldy, dep habarlaıdy "Adyrna" ulttyq portaly.
29 qańtar kúni túngi saǵat 3 shamasynda Astana qalasynyń polıııa qyzmetkerleri Tólebaev kóshesinde Toyota Land Cruiser Prado kóligin toqtatty. Tekserý barysynda júrgizýshi Erjan Babaqumarovtyń jeńil dárejede mas bolǵany anyqtalǵan.
Osyǵan baılanysty Astana qalasynyń mamandandyrylǵan aýdanaralyq ákimshilik soty ony Qazaqstan Respýblıkasynyń Ákimshilik quqyq buzýshylyq týraly kodeksiniń 608-babynyń 1-bóligine sáıkes kináli dep tanyp, 15 táýlikke qamaý jáne jeti jylǵa kólik júrgizý quqyǵynan aıyrý jazasyn taǵaıyndady.
Aıta keteıik, Erjan Babaqumarov 2019-2022 jyldar aralyǵynda Almaty qalasy ákiminiń orynbasary qyzmetin atqarǵan. 2022 jyldan bastap Prezıdent janyndaǵy Ortalyq kommýnıkaııalar qyzmetiniń basshysy bolyp qyzmet etti.
