قاراعاندى قالاسىنىڭ تۇرعىندارى نۇرسۇلتان نازارباەۆ اتىنداعى داڭعىلدى قايتادان «بەيبىتشىلىك» دەپ اتاۋدى سۇراپ، پەتيتسيا ۇيىمداستىردى، دەپ حابارلايدى “ادىرنا” ۇلتتىق پورتالى جەرگىلىكتى باق-قا سىلتەپ.
باستاما اۆتورىنىڭ ايتۋىنشا، «بەيبىتشىلىك بۋلۆارى» اتاۋى 10 جىل بويى تۇراقتىلىق، بىرلىك پەن دوستىقتىڭ سيمۆولى بولىپ كەلگەن. ونىڭ تاريحي قۇندىلىعى بار جانە بىرنەشە ۇرپاقتىڭ ساناسىندا قالىپتاسقان. سونىمەن قاتار، كوشە اتاۋىنىڭ وزگەرۋى قالا تۇرعىندارى مەن تۋريستەر اراسىندا شاتاسۋ تۋدىرىپ، ناۆيگاتسيانى قيىنداتقان.
“قاراعاندى تاريحقا باي قالا، ال تاريحي توپونيمدەردى ساقتاۋ – ءداستۇرىمىزدى قۇرمەتتەۋ. سوندىقتان ءبىز بيلىكتەن قاراعاندىنىڭ تاريحي جانە مادەني بىرەگەيلىگىن ساقتاۋ ءۇشىن بۇرىنعى اتاۋىن قايتارۋىن سۇرايمىز،” – دەدى پەتيتسيا اۆتورى.
ەگەر بۇل باستاما 50 مىڭ داۋىس جيناسا، اكىمدىك ماسەلەنى رەسمي تۇردە قاراستىرادى.
ەسكە سالا كەتەيىك، 2019 جىلى قاراعاندى اكىمشىلىگى «بەيبىتشىلىك بۋلۆارى» مەن تولەپوۆ كوشەلەرىن بىرىكتىرىپ، نۇرسۇلتان نازارباەۆ داڭعىلى دەپ اتاعان بولاتىن.
ايتا كەتەيىك، “بەيبىتشىلىك بۋلۆارى” بۇرىن “بۋلۆار” كوشەسى دەپ اتالىپ، 1952 جىلى قۇرىلعان بولاتىن.
