الماتى اكىمى ەربولات دوساەۆ الماتى يپپودرومعا قاتىستى سۇراقتارعا جاۋاپ بيۋەردى، دەپ حابارلايدى "ادىرنا" ۇلتتىق پورتالى.
اكىم جەتىسۋ اۋدانىنىڭ تۇرعىندارىمەن كەزدەسۋ بارىسىندا ات سپورتىنىڭ جاتتىقتىرۋشىسى الماتى يپپودرومىن رەتكە كەلتىرۋدى سۇرادى.
دوساەۆ يپپودرومنىڭ تاعدىرىنا قاتىستى ماسەلەمەن بەلسەندى تۇردە اينالىسىپ جاتقانىن جانە وتكەن جىلدىڭ جازىنان بەرى بەلگىلى ءبىر ىلگەرىلەۋ بار ەكەنىن ايتتى.
ء"بىز مەنشىك يەلەرىمەن كەلىسسوزدەر جۇرگىزە باستادىق، ولاردان يپپودرومدى دامىتۋ بويىنشا دۇرىس باعدارلاما ازىرلەۋدى سۇرادىق. قازىر سونى كۇتىپ وتىرمىز. ەگەر جەكەمەنشىك بولسا، دامىتۋ قاجەت ەكەنىن ايتتىق. كوپشىلىك ايتىپ جۇرگەندەي، بۇل جەردىڭ نىسانالى ماقساتى وزگەرگەن جوق، ياعني كوپقاباتتى تۇرعىن ءۇي سالۋ جوسپاردا جوق. وكىنىشكە قاراي، قازىرگى مەنشىك يەلەرىنىڭ قارجىلىق مۇمكىندىكتەرى تولىققاندى رەكونسترۋكتسيا جاساۋعا جەتكىلىكسىز دەپ كۇدىكتەنەمىن. وسى كەلىسىمگە سايكەس، ولارعا ناۋرىزدىڭ اياعىنا دەيىن ۋاقىت بەرىلدى، سودان كەيىن نە ىستەۋ كەرەكتىگىن ويلايمىز. بۇل جەر تەلىمىنىڭ نارىقتىق باعاسى بار، جاڭا ينۆەستور تابامىز نەمەسە قالا ءوزى قانداي قادامدار جاسايتىنىن شەشەدى. ارينە، بۇل ارزانعا تۇسپەيدى. بىراق، ەكىنشى جاعىنان، ءبىزدىڭ سپورتشىلاردىڭ وبلىستا جاتتىعۋعا ءماجبۇر بولۋى – جاعىمسىز جاعداي", – دەدى ەربولات دوساەۆ.
