Almaty ákimi Erbolat Dosaev Almaty ıppodromǵa qatysty suraqtarǵa jaýap bıýerdi, dep habarlaıdy "Adyrna" ulttyq portaly.
Ákim Jetisý aýdanynyń turǵyndarymen kezdesý barysynda at sportynyń jattyqtyrýshysy Almaty ıppodromyn retke keltirýdi surady.
Dosaev ıppodromnyń taǵdyryna qatysty máselemen belsendi túrde aınalysyp jatqanyn jáne ótken jyldyń jazynan beri belgili bir ilgerileý bar ekenin aıtty.
"Biz menshik ıelerimen kelissózder júrgize bastadyq, olardan ıppodromdy damytý boıynsha durys baǵdarlama ázirleýdi suradyq. Qazir sony kútip otyrmyz. Eger jekemenshik bolsa, damytý qajet ekenin aıttyq. Kópshilik aıtyp júrgendeı, bul jerdiń nysanaly maqsaty ózgergen joq, ıaǵnı kópqabatty turǵyn úı salý josparda joq. Ókinishke qaraı, qazirgi menshik ıeleriniń qarjylyq múmkindikteri tolyqqandy rekonstrýkııa jasaýǵa jetkiliksiz dep kúdiktenemin. Osy kelisimge sáıkes, olarǵa naýryzdyń aıaǵyna deıin ýaqyt berildi, sodan keıin ne isteý kerektigin oılaımyz. Bul jer teliminiń naryqtyq baǵasy bar, jańa ınvestor tabamyz nemese qala ózi qandaı qadamdar jasaıtynyn sheshedi. Árıne, bul arzanǵa túspeıdi. Biraq, ekinshi jaǵynan, bizdiń sportshylardyń oblysta jattyǵýǵa májbúr bolýy – jaǵymsyz jaǵdaı", – dedi Erbolat Dosaev.
