بەلگىلى جۋرناليست، اقىن، جازۋشى جانە پۋبليتسيست نۇرجان قۋانتايۇلى ل.گۋميلەۆ اتىنداعى ەۆرازيا ۇلتتىق ۋنيۆەرسيتەتىنىڭ جۋرناليستيكا جانە الەۋمەتتىك عىلىمدار فاكۋلتەتىنىڭ دەكانى بولىپ تاعايىندالدى، دەپ حابارلايدى "ادىرنا" ۇلتتىق پورتالى.
ەڭبەك جولىن 1993-1994 جىلدارى قازاق راديوسىندا اعا رەداكتور جانە شولۋشى رەتىندە باستاعان.
كەيىننەن قازاقستان جۋرناليستەر وداعىنا قاراستى جۋرناليستەردى قولداۋ قورىنىڭ ۆيتسە-پرەزيدەنتى، ءال-فارابي اتىنداعى قازۇۋ-دىڭ جۋرناليستيكا فاكۋلتەتىندە اعا وقىتۋشى جانە دوتسەنت قىزمەتتەرىن اتقارعان.
سونداي-اق، «جاس الاش»، «قازاق ۋنيۆەرسيتەتى»، «ايقىن»، «الماتى اقشامى» گازەتتەرىندە ءتۇرلى لاۋازىمداردا جۇمىس ىستەگەن.
ادەبيەت سالاسىندا «ادىرنا» (2001), «قاراوزەك»، «قولشاتىر» اتتى پروزالىق جانە «كۇمبىر» پوەزيالىق كىتاپتارىنىڭ اۆتورى رەتىندە تانىمال.
ەسكە سالا كەتەيىك، 2019 جىلى نۇرجان قۋانتايۇلى ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىنىڭ دەكانى بولىپ قىزمەت اتقارعان بولاتىن.
