قوعام بەلسەندىلەرى قازاقستاندا USAID قىزمەتىن توقتاتۋدى تالاپ ەتتى، دەپ حابارلايدى "ادىرنا" ۇلتتىق پورتالى.
قازاقستاندىق قوعام بەلسەندىلەرى اقش حالىقارالىق دامۋ اگەنتتىگىنىڭ (USAID) ەلدەگى قىزمەتىن توقتاتۋدى جانە لگبت قاۋىمداستىعىن قارجىلاندىراتىن ۇيىمدارعا زاڭ جۇزىندە تىيىم سالۋدى تالاپ ەتىپ، مادەنيەت جانە اقپارات مينيسترلىگىنە پەتيتسيا جولدادى.
بەلسەندى باعيلا بالتاباەۆا USAID 1992 جىلدان بەرى قازاقستاندا الەۋمەتتىك جوبالاردى قارجىلاندىرىپ كەلەتىنىن حابارلادى. دەگەنمەن ولاردىڭ كەيبىرى ۇلتتىق قۇندىلىقتارعا قايشى باعىتتا جۇزەگە اسقان. ونىڭ مالىمەتىنشە، 2001-2024 جىلدار ارالىعىندا بۇل ۇيىم قازاقستاندا 2,07 ملرد دوللار بولگەن، ال قاراجاتتىڭ بەلگىلى ءبىر بولىگى لگبت ۇيىمدارى مەن ولاردى قولدايتىن باستامالارعا باعىتتالعان.
بالتاباەۆانىڭ سوزىنشە، دونالد ترامپ USAID قىزمەتىن جاۋىپ تاستاۋعا بۇيرىق بەرگەن، ناتيجەسىندە بۇل ۇيىم بىرنەشە مەملەكەتتە جۇمىسىن توقتاتقان. ماسەلەن، جاقىندا ءازىربايجان USAID-تىڭ قىزمەتىنە رەسمي تۇردە تىيىم سالعان.
بەلسەندىلەر شەتەلدىك ۇيىمداردىڭ قىزمەتىن مەملەكەتتىك باقىلاۋعا الۋ قاجەتتىگىن ايتقان.
ايتا كەتەيىك، پرەزيدەنت ترامپ قىزمەتىنە كىرىسە سالا اقش سالىق تولەۋشىلەرىنىڭ قارجىسىنان قۇرىلعان، بىراق وزگە ەلدەرگە كومەك بەرەتىن ۇيىمدار جۇمىسى شەكتەپ، قايتا قۇرىلىمداۋعا كىرىسىپ كەتكەنىن ايتقان ەدىك.
