الماتى وبلىسىندا كوكتەمگى دالا جۇمىستارىنا 3 650 توننا ، كۇزگى ەگىن باسىنداعى ەڭبەككە 201 اۋىل شارۋاشىلىعى تاۋار وندىرۋشىسىنەن 1 366,7 توننا ديزەل وتىنىنا ءوتىنىم قابىلدانىپ، شارۋاشىلىقتارعا ۋاقتىلى جەتكىزىلدى. بۇل تۋرالى وبلىستىق اۋىلشارۋاشىلىعى باسقارماسى باسشىسىنىڭ ورىنباسارى ديماش سىدىقوۆ ايتتى.
ديزەل وتىنى اۋداندار بويىنشا ناقتى ءبولىنىپ، رايىمبەك اۋدانىنا 313,8 توننا، جامبىل اۋدانىنا 193,6 توننا، ەڭبەكشىقازاق اۋدانىنا 162,3 توننا، ىلە اۋدانىنا 186,5 توننا، ۇيعىر اۋدانىنا 37,8 توننا، كەگەن اۋدانىنا 56,3 توننا، قاراساي اۋدانىنا 111,4 توننا، تالعار اۋدانىنا 120,9 توننا، قوناەۆ قالاسىنا 159,1 توننا جانە بالقاش اۋدانىنا 25 توننا جونەلتىلدى.
«2025 جىلعا وبلىسقا 5 016,7 مىڭ توننا ديزەل وتىنى جوسپارلانعان.
سونىمەن قاتار قوسىمشا 3,0 مىڭ توننا كولەمىندە سۇرانىس بەرىلىپ، اۋىل شارۋاشىلىعى وندىرۋشىلەرىنەن ءوتىنىم قابىلداۋ جالعاسىپ جاتىر. قازىرگى تاڭدا قوسىمشا بولىنگەن كولەمنىڭ 43,3 تونناسى شارۋاشىلىقتارعا جەتكىزىلدى»، - دەيدى سپيكەر.
اۋىل شارۋاشىلىعى تاۋار وندىرۋشىلەرىنە ۇسىنىلاتىن ديزەل وتىنىنىڭ باعاسى نارىقتىق دەڭگەيدەن 26 پايىز تومەن – ءليترى 250 تەڭگە. كوكتەمگى جانە كۇزگى دالا جۇمىستارىنا ارنالعان وتىنىمدەردى قابىلداۋ 1–30 جەلتوقسان ارالىعىندا جۇرگىزىلەدى.
وبلىستا اۋىل شارۋاشىلىعى سالاسىندا تەحنيكا پاركىن جاڭارتۋ باعىتىندا دا اۋقىمدى جۇمىستار اتقارىلىپ كەلەدى. بيىل 490 بىرلىك جاڭا تەحنيكا ساتىپ الۋ كوزدەلگەن بولسا، قازىرگى تاڭدا 6,3 ملرد تەڭگەگە 391 بىرلىك تەحنيكا الىنعان. جوسپاردىڭ 79,7 پايىزعا ورىندالعان. ونىڭ ىشىندە «قازاگروقارجى» ارقىلى 4,5 ملرد تەڭگەگە 258 تەحنيكا، ال شارۋالاردىڭ ءوز قاراجاتى ەسەبىنەن 1,8 ملرد تەڭگەگە 133 تەحنيكا ساتىپ الىندى.
اتالعان شارالار ءوڭىردىڭ اۋىل شارۋاشىلىعى تاۋار وندىرۋشىلەرىن قولداۋعا، ماۋسىمدىق دالا جۇمىستارىن ۋاقىتىلى ۇيىمداستىرۋعا جانە ونىمدىلىكتى ارتتىرۋعا ەلەۋلى ىقپال ەتەدى.
