استانادا ىشكى جانە سىرتقى كورىنىسى ۇقك بۇرىنعى باسشىسى كارىم ماسىموۆكە تيەسىلى ۇيگە سايكەس كەلەتىن نىسان ساتىلىمعا شىعارىلدى، دەپ حابارلايدى «ادىرنا» ءتىلشىسى.
قايتارىلعان اكتيۆتەردى باسقارۋ جونىندەگى كومپانيانىڭ مالىمەتىنشە، اۋكتسيون 25 اقپان كۇنى ساعات 10:00-دە وتەدى.
نۇرا اۋدانى ەرەيمەنتاۋ كوشەسى، 1 مەكەنجايىندا ورنالاسقان جەرتولە قاباتى بار تۇرعىن ءۇيدىڭ باستاپقى باعاسى 1,8 ملرد تەڭگە، ال كەپىلدىك جارنا 117,9 ملن تەڭگەنى قۇرايدى.
ەسكە سالايىق، 2023 جىلى كارىم ءماسىموۆ 18 جىلعا سوتتالعان بولاتىن. ول "مەملەكەتكە وپاسىزدىق جاساعانى" (قك 175-بابىنىڭ 1-بولىگى), "بيلىكتى كۇشپەن باسىپ العانى" (قك 179-بابىنىڭ 3-بولىگى) جانە "بيلىك پەن لاۋازىمدىق وكىلەتتىكتەردى اسىرا پايدالانعانى" (قك 362-بابىنىڭ 4-بولىگى 3-تارماعى) ءۇشىن كىنالى دەپ تانىلدى.
