Astanada ishki jáne syrtqy kórinisi UQK burynǵy basshysy Kárim Másimovke tıesili úıge sáıkes keletin nysan satylymǵa shyǵaryldy, dep habarlaıdy «Adyrna» tilshisi.
Qaıtarylǵan aktıvterdi basqarý jónindegi kompanııanyń málimetinshe, aýkıon 25 aqpan kúni saǵat 10:00-de ótedi.
Nura aýdany Ereımentaý kóshesi, 1 mekenjaıynda ornalasqan jertóle qabaty bar turǵyn úıdiń bastapqy baǵasy 1,8 mlrd teńge, al kepildik jarna 117,9 mln teńgeni quraıdy.
Eske salaıyq, 2023 jyly Kárim Másimov 18 jylǵa sottalǵan bolatyn. Ol "memleketke opasyzdyq jasaǵany" (QK 175-babynyń 1-bóligi), "bılikti kúshpen basyp alǵany" (QK 179-babynyń 3-bóligi) jáne "bılik pen laýazymdyq ókilettikterdi asyra paıdalanǵany" (QK 362-babynyń 4-bóligi 3-tarmaǵy) úshin kináli dep tanyldy.
