جامبىل وبلىسىنداعى اۋىل مەكتەبىندە 51 جاستاعى جۇمىسشى اعاشتان قۇلاپ، كوز جۇمدى، دەپ حابارلايدى "ادىرنا" ۇلتتىق پورتالى.
وقيعاعا بايلانىستى قۇقىق قورعاۋ ورگاندارى قىلمىستىق كودەكستىڭ 156-بابىنىڭ 3-بولىگى "ەڭبەكتى قورعاۋ ەرەجەلەرىن بۇزۋ" بويىنشا قىلمىستىق ءىس قوزعادى. سوتقا دەيىنگى تەرگەۋ اياسىندا قاجەتتى ساراپتامالار تاعايىندالىپ، تەكسەرۋ جۇرگىزىلىپ جاتىر.
سونىمەن قاتار، مەملەكەتتىك ەڭبەك ينسپەكتسياسى جونىندەگى كوميتەتتىڭ جامبىل وبلىسى بويىنشا دەپارتامەنتىنە وقيعاعا بايلانىستى تەكسەرۋ جۇرگىزۋ تۋرالى قاۋلى مەن حات جىبەرىلدى.
"اۋىل مەكتەبىندە 51 جاستاعى جۇمىسشىنىڭ ولىمىنە بايلانىستى پوليتسيا قىزمەتكەرلەرى قىلمىستىق كودەكستىڭ 156-بابىنىڭ 3-بولىگى “ەڭبەكتى قورعاۋ ەرەجەلەرىن بۇزۋ” بويىنشا قىلمىستىق ءىس قوزعادى. سوتقا دەيىنگى تەرگەۋ اياسىندا قاجەتتى ساراپتامالار جۇرگىزىلىپ جاتىر", – دەلىنگەن حابارلامادا.
ايتا كەتەيىك، بۇعان دەيىن 21 جەلتوقساندا سەمەيدە قالالىق شىرشانى بەزەندىرۋ كەزىندە مۇعالىم قۋات ايتقالي بيىكتەن قۇلاپ، اۋىر جاراقات العان بولاتىن.
