قازاقستاننىڭ تانىمال ءانشىسى ءارى قوعام قايراتكەرى نۇرلان ونەرباەۆ قازاق ءتىلىنىڭ مارتەبەسىن كوتەرۋ ماقساتىندا ءوز ۇسىنىسىن ءبىلدىردى، دەپ حابارلايدى “ادىرنا” ۇلتتىق پورتالى.
بۇل تۋرالى ءانشى جەلىدەگى پاراقشاسىندا جازدى.
ول قازاق تىلىندە سويلەمەيتىن ازاماتتارعا 39 320 تەڭگە مولشەرىندە ايىپپۇل سالۋ قاجەت ەكەنىن ايتتى.
«كۇندە ءبىر ايىپپۇل ءتۇرىن شىعاراسىڭدار! حالىق، ءوزىمىز ۇسىنايىق. قازاق تىلىندە سويلەمەيتىندەرگە 39 320 تەڭگە ايىپپۇل سالىنسىن»، – دەپ جازدى ول.
بۇل باستاما الەۋمەتتىك جەلىلەردە ءتۇرلى پىكىرلەرگە سەبەپ بولدى. ءبىرى قازاق ءتىلىن قولداۋ ءۇشىن مۇنداي شارا قاجەت دەپ ەسەپتەسە، ەندى ءبىرى ايىپپۇل سالۋ ءادىسى دۇرىس ەمەس دەگەن ويدا.
