Qazaqstannyń tanymal ánshisi ári qoǵam qaıratkeri Nurlan Ónerbaev qazaq tiliniń mártebesin kóterý maqsatynda óz usynysyn bildirdi, dep habarlaıdy “Adyrna” ulttyq portaly.
Bul týraly ánshi jelidegi paraqshasynda jazdy.
Ol qazaq tilinde sóılemeıtin azamattarǵa 39 320 teńge mólsherinde aıyppul salý qajet ekenin aıtty.
«Kúnde bir aıyppul túrin shyǵarasyńdar! Halyq, ózimiz usynaıyq. Qazaq tilinde sóılemeıtinderge 39 320 teńge aıyppul salynsyn», – dep jazdy ol.
Bul bastama áleýmettik jelilerde túrli pikirlerge sebep boldy. Biri qazaq tilin qoldaý úshin mundaı shara qajet dep eseptese, endi biri aıyppul salý ádisi durys emes degen oıda.
