Qýandyq Bıshimbaev sotqa talap-aryz túsirdi. Buǵan qylmystyq-atqarý júıesi mekemesiniń ákimshiligi tarapynan oǵan kótermeleý berilmeýi sebep bolǵan, dep habarlaıdy "Adyrna" ulttyq portaly.
Qylmystyq-atqarý júıesi komıtetiniń baspasóz qyzmetiniń málimetinshe, qoldanystaǵy zańnamaǵa sáıkes, jazany óteý tártibin buzǵan sottalǵandarǵa kótermeleý sharalary qoldanylmaıdy.
"Atalǵan sottalǵannyń bir tártip buzýshylyǵy bolǵanyn eskere otyryp, oǵan kótermeleý sharasy qoldanylǵan joq. Onyń talap-aryzy sotta qanaǵattandyrylmady", - delingen baspasóz qyzmetiniń habarlamasynda.
Alaıda, Bıshimbaevtyń qandaı tártip buzǵany týraly aqparat berilgen joq.
Eske sala keteıik, byltyr 13 mamyrda Astanada Saltanat Núkenovanyń ólimine qatysty sot proesi aıaqtalǵan bolatyn. Ulttyq ekonomıka eks-mınıstri Qýandyq Bıshimbaev áıeli Saltanat Núkenovany azaptap, óltirgeni úshin kináli dep tanylyp, 24 jylǵa bas bostandyǵynan aıyrylǵan edi.
2023 jyldyń 12 qarashasynda Bıshimbaev kolonııadan sotqa uıaly telefon arqyly qosylǵan bolatyn.
