استانادا ايەلىنىڭ ولىمىنە قاتىستى بۇرىنعى مينيستر قۋاندىق بيشىمباەۆ ۋاقىتشا ۇستاۋ يزولياتورىنا قامالدى. بۇل تۋرالى پوليتسيا دەپارتامەنتىنىڭ ءباسپاسوز قىزمەتى مالىمدەدى، دەپ حابارلايدى «ادىرنا» ۇلتتىق پورتالى.
«استانا قالاسىنىڭ پوليتسيا دەپارتامەنتى مەيرامحاناداعى ايەل ءولىمى فاكتىسى بويىنشا تەرگەۋ «ادام ءولىمى» قر قك 99 بابى، 1 تارماعىنا سايكەس جۇرگىزىلىپ جاتقانىن حابارلايدى. كۇدىكتى استانا ق. پد ۋاقىتشا ۇستاۋ يزولياتورىنا قامالدى» دەلىنگەن حابارلامادا.
ايتالىق، ءىستىڭ وبەكتيۆتى ءمان-جايلارىن انىقتاۋعا باعىتتالعان جەدەل-ىزدەستىرۋ شارالارىنىڭ كەشەنى جۇرگىزىلىپ جاتقانى كورسەتىلگەن. تەرگەۋ بارىسى ىشكى ىستەر مينيسترلىگى باسشىلىعىنىڭ باقىلاۋىندا.
ەستەرىڭىزگە سالايىق، بۇرىنعى ۇلتتىق ەكونوميكا ءمينيسترى قۋاندىق بيشىمباەۆ «باۋ» مەيرامحاناسىندا ايەلىن سوققىعا جىققان. ايەل العان جاراقاتتارىنان وقيعا ورنىندا كوز جۇمدى. ىشكى ىستەر مينيسترلىگى ونىڭ ۇستالعانىن راستاعانىن جازعان ەدىك.
«ادىرنا» ۇلتتىق پورتالى
