ولجاس بەكتەنوۆ اتوم ەنەرگەتيكاسىن دامىتۋ ماسەلەسى بويىنشا كەڭەس وتكىزدى، دەپ حابارلايدى "ادىرنا" ۇلتتىق پورتالى.
پرەمەر-مينيستر ولجاس بەكتەنوۆتىڭ توراعالىعىمەن اتوم ەنەرگەتيكاسىن دامىتۋ ماسەلەلەرى بويىنشا كەڭەس ءوتتى. كەڭەس بارىسىندا مەملەكەت باسشىسىنىڭ ۇكىمەتتىڭ كەڭەيتىلگەن وتىرىسىندا بەرگەن ەنەرگەتيكانى دامىتۋ جانە يادرولىق كلاستەر قۇرۋ جونىندەگى تاپسىرمالارىن ورىنداۋ بارىسى قاراستىرىلدى.
ۇكىمەتتىڭ ءباسپاسوز قىزمەتىنىڭ مالىمەتىنشە، پرەزيدەنتتىڭ ەلەكتر ەنەرگەتيكاسى ينفراقۇرىلىمىن قارقىندى دامىتۋ جانە قاجەتتى رەزەرۆتەر قۇرۋ جونىندەگى تاپسىرماسىن ەسكەرە وتىرىپ، 2025–2031 جىلدارعا ارنالعان ەلەكتر ەنەرگياسىنىڭ بولجامدى تەڭگەرىمى تالقىلاندى. ءوسىپ كەلە جاتقان ەلەكتر ەنەرگياسى سۇرانىسىن قامتاماسىز ەتۋ ماقساتىندا جەكە ينۆەستيتسيالار ەسەبىنەن جۇمىس ىستەپ تۇرعان ەلەكتر ستانسالارىن جاڭعىرتۋ ارقىلى 2035 جىلعا دەيىن 26,5 گۆت جاڭا گەنەراتسيا قۋاتى قۇرىلىمىن دامىتۋ كوزدەلىپ وتىر.
"پرەزيدەنتتىڭ ەلەكتر ەنەرگەتيكاسى ينفراقۇرىلىمىن قارقىندى دامىتۋ جانە قاجەتتى رەزەرۆتەر قۇرۋ جونىندەگى تاپسىرماسىن ەسكەرە وتىرىپ، 2025–2031 جىلدارعا ارنالعان ەلەكتر ەنەرگياسىنىڭ بولجامدى تەڭگەرىمى تىڭدالدى. ەلەكتر ەنەرگياسىن تۇتىنۋدىڭ ۇدايى وسۋىنە بايلانىستى جەكە ينۆەستيتسيالار ەسەبىنەن جۇمىس ىستەپ تۇرعان ەلەكتر ستانسالارىن جاڭعىرتۋ ارقىلى 2035 جىلعا دەيىن 26,5 گۆت دەڭگەيىندە جاڭا گەنەراتسياسى بار قۋاتتار قۇرىلىمى قاراستىرىلىپ جاتىر", - دەلىنگەن پرەمەر حابارلاماسىندا.
كەڭەستە ەنەرگەتيكا ءمينيسترى الماسادام ساتقاليەۆ قازاقستانداعى ءبىرىنشى اتوم ەلەكتر ستانساسىنىڭ قۇرىلىسى بويىنشا الەۋەتتى جەتكىزۋشىلەرمەن جۇرگىزىلگەن كەلىسسوزدەر تۋرالى باياندادى. پرەمەر-مينيستر اەس سالۋ بارىسىندا ەلىمىز ءۇشىن ەكونوميكالىق تيىمدىلىكتى قامتاماسىز ەتۋ ماڭىزدىلىعىنا توقتالىپ، جەتكىزۋشىنى تاڭداۋدا وتاندىق قۇندىلىقتاردى ارتتىرۋ، ءوندىرىستى لوكاليزاتسيالاۋ جانە تەحنولوگيا ترانسفەرتىنە ەرەكشە ءمان بەرۋ كەرەكتىگىن اتاپ ءوتتى.
سونىمەن قاتار، اتوم عىلىمىن دامىتۋ جانە سالا ماماندارىن دايارلاۋ بويىنشا ءبىلىم بەرۋ باعدارلامالارىن جەتىلدىرۋ ماسەلەلەرى قارالدى.
