وزىمىزگە ءمالىم،ساۋديا ارابياسى وزدەرىن مۇسىلمان ءدىنىنىڭ دىڭگەگى سانايدى. بۇعان قوسا، مۇناي ءوندىرۋ ىسكە قوسىلعاننان بەرى وسى وڭىردە ءىرى ويىنشىعا اينالدى- اراپتار. ساۋديتتەر سۋننيتتىك باعىتقا باسىمدىق بەرسە، يران-شەيتتىك جولدى تاڭدادى. 1979 جىلعى "يسلام توڭكەرىسىنەن" كەيىن يران مۇلدەم راديكالدانىپ بولەك كەتسە دە، ميليتاريستىك كوزقاراستان باس تارتقان ەمەس!
كاسپي وڭىرىندە دە يران بىزگە-دوس ەمەس. تۇركى ەلدەرىمەن تۇران كەزىنەن. ساۋديانىڭ "Aramko" كومپانياسىنا جاسالعان دروندار شابۋىلى بۇلاردان شىعار مۇنايدى ەكى ەسەگە تومەندەتتى! بۇل ءوز كەزەڭىندە الەمدىك باعاعا اسەر ەتتى. بۇل دروندار يەمەننەن شىقتى دەپ اقش مالىمدەمە جاسادى. بۇنى " حۋسيتتەر" ءوز موينىنا الدى! وتە تەز، ءارى جىلدام جوسپارلى تۇردە وقيعالار وربۋدە.
يرانعا قارسى سالماقتى يراكتى قۇرتقاننان بەرى-يران "اۋىزدىقسىز، شىدەرسىز" كەتتى. بۇعان قوسا "زۇلىمدىق ءوسى" رەسەي قىزىلباستاردى ەمىزىپ، اقش-قا قارسى سالۋدا. ساۋد ارابيانىڭ مۇراگەر حانزاداسى مۇحامەد بەن سالمەن مايداندى ۇناتقىش، كەرىستەن شەگىنبەس جان بولىپ شىقتى. وسى كەزدەردە حانزادا اقش پرەزيدەنتىمەن تەلەفون شالىسىپ، ءسوز كومەگىن الدى. ءىس كومەگى بەلگىسىز...
ساۋديتتەردى بىرىككەن اراب امىرلىگى، كۋۆەيت، ەگيپەت، باحرەين قولدايدى. بۇنىڭ الدىندا سيريادا يران مەن رەسەي باشار اسادتى ساقتاپ قالدى. بۇل ساۋديتتەر مەن اقش-تىڭ جەڭىلگەنىندەي بولدى. يراننىڭ كۇشەيۋىنەن قاۋىپ كورەتىن ەلدىڭ ءبىرى -يزرايل. وسى مايدانعا اقش-تىڭ ارالاسۋىنا دا ەۆرەيلەر مۇددەلى.
ساۋديانىڭ سىرتقى ىستەر ءمينيسترى ءادىل ءال-جۋبەيىر وسى جۇمادا " ...الەم ەكونوميكاسىنا زيانى تيەر شابۋىلعا بىرىگىپ قارسى شىعۋعا" شاقىردى.
يران توڭكەرىسى قورعانىس كورپۋسى قولباسشىسى حوسسەين سالامي "بايقاڭىزدار...ءبىز كەز كەلگەن اگرەسسورعا جاۋاپ بەرە الامىز..." دەدى. اقش مەم.حاتشىسى مايك پومپەو شابۋىلداردىڭ ەگەسى يران ەكەنىن قويماي ايتۋدا...
يران سىرتقى ىستەر ءمينيسترى مۇحامەد جاباد زاپار "تۆيتەردە"...ماكسيمالدى قىسىم كەزىندە-ماكسيمالدى الداۋ بولاتىنىن" جازۋدا...
Wall Street Journal ايتۋىنشا مۇنايدىڭ تاۋلىكتىك ءونىمى بەس ميلليون باررەلگە ازايعان. بۇل الەم مۇنايىنىڭ جەتى پايىزى!
بۇنىڭ ارتىندا كىم تۇر؟ رەسەي،تاعى رەسەي!
ەۋروپاعا بارار گاز باعاسىن رەتتەۋ ءۇشىن پۋتين ۋكرايناعا شابۋىل جاسادى! ترامپ بيلىكتە وتىرعاندا-ەشكىم ورىستاردى كىنالى دەمەيدى! ءپۋتيننىڭ بىلىعىن جابۋشى عانا ەمەس، قىتايعا سانكتسيا سالىپ تۇساۋشى- دونالد ترامپ ماسكەۋدىڭ اق ۇيدەن تاپقان قازىناسى! وسىنىڭ الدىندا عانا رامزان قادىروۆ ساۋد ارابياعا جەكە ىسىمەن بارىپ قايتتى... ءپۋتيننىڭ "سەنىمدى سولداتى" بەيسۋات، بۇيرىقسىز، تاپسىرماسىز جۇرمەيدى..
سوعىس بولا ما؟ جوق! دۇربەلەڭ،ءارى-سارىلىك مۇناي باعاسىن وسىرۋگە اكەلەدى. بۇل پۋتين رەجيمىنىڭ عۇمىرىن ۇزارتپاق! ۇلكەن ساياسات-مول شىعىنعا مۇقتاج...
سەرىك ەلىكباي
"ادىرنا" ۇلتتىق پورتالى
