گەرمانيانىڭ بۇرىنعى پرەزيدەنتى حورست كەلەر 81 جاسىندا قايتىس بولدى، دەپ حابارلايدى "ادىرنا" ۇلتتىق پورتالى DW باسىلىمىنا سىلتەمە جاساپ.
بەرليندەگى فەدەرالدىق پرەزيدەنت كەڭسەسىنىڭ حابارلاۋىنشا، كەلەر 31 قاڭتار كۇنى تاڭەرتەڭ اۋىر ءارى قىسقا ناۋقاستان كەيىن ومىردەن وتكەن.
حورست كەلەر 2004 جىلى گەرمانيا پرەزيدەنتى بولىپ سايلانىپ، بۇل قىزمەتتى 2010 جىلعا دەيىن اتقاردى. الايدا سول جىلى كۇتپەگەن جەردەن وتستاۆكاعا كەتتى. 2010 جىلعى 31 مامىرداعى مالىمدەمەسىندە كەلەر وپپوزيتسيالىق پارتيالاردىڭ وزىنە دەگەن "قۇرمەتسىزدىگىن" وتستاۆكاسىنىڭ باستى سەبەبى رەتىندە اتادى.
پرەزيدەنتتىك قىزمەتكە دەيىن حالىقارالىق ۆاليۋتا قورىن (مۆف) باسقارعان ساياساتكەر 2017 جىلى بۇۇ باس حاتشىسىنىڭ باتىس ساحارا ماسەلەسىن رەتتەۋ جونىندەگى جەكە وكىلى بولىپ تاعايىندالدى. 2019 جىلى دەنساۋلىعىنا بايلانىستى بۇل قىزمەتتەن دە كەتتى.
حورست كەلەر 2019 جىلدىڭ جەلتوقسانىندا قازاقستان پرەزيدەنتى قاسىم-جومارت توقاەۆپەن كەزدەسكەن. سول كەزدە ول قازاقستاندى ەۋرازياداعى تۇراقتىلىق اۋماعى دەپ اتاعان بولاتىن. سونىمەن قاتار، 2023 جىلى قازاقستاننىڭ تاۋەلسىزدىك كۇنىمەن توقاەۆتى ارنايى قۇتتىقتاعان.
