قىزىلوردادا 16 جاستاعى قىزدى جەزوكشەلىككە ماجبۇرلەۋگە بايلانىستى ءىس بويىنشا 217 ەر ادام قىلمىستىق جاۋاپكەرشىلىككە تارتىلمايتىنىن مالىمدەدى، دەپ حابارلايدى "ادىرنا" ۇلتتىق پورتالى.
«نەمولچيKZ» قورىنىڭ جەتەكشىسى دينا ءتاڭسارى ىسكە قاتىستى مالىمدەمە جاسادى. ونىڭ سوزىنشە، 5 قىركۇيەكتە كۇشىنە ەنگەن «ادام ساۋداسىنا قارسى ءىس-قيمىل تۋرالى» زاڭعا سايكەس بۇل ادامدار جاۋاپقا تارتىلۋى مۇمكىن بولعان. بىراق، قوعامدى دۇرلىكتىرگەن وقيعا 5 تامىزدا انىقتالىپ، 6 تامىزدا عانا شاعىم تۇسكەندىكتەن، جاڭا زاڭنىڭ كۇشى ولاردى قامتىمايتىنى ايتىلدى.
"ولاردى شاقىردى، كەيبىرەۋىن جۇمىس ورنىنان تاپتى، كەيبىرەۋىن جۇمىستان شىعاردى، تاعى ءبىرىن جازالادى، بىراق بۇل قىلمىستىڭ سەبەبىن ولار ءوزىنىڭ قۇمارلىعى نەمەسە اقى تولەپ زورلىق-زومبىلىق جاساۋعا بەيىمدىلىگىنەن ەمەس، كەرىسىنشە، قىزدىڭ وزىنە جانە ونىڭ وقيعانى جاريا ەتكەنىنەن كورىپ وتىر", – دەپ جازدى ءتاڭسارى.
