Qyzylordada 16 jastaǵy qyzdy jezókshelikke májbúrleýge baılanysty is boıynsha 217 er adam qylmystyq jaýapkershilikke tartylmaıtynyn málimdedi, dep habarlaıdy "Adyrna" ulttyq portaly.
«NeMolchıKZ» qorynyń jetekshisi Dına Tańsári iske qatysty málimdeme jasady. Onyń sózinshe, 5 qyrkúıekte kúshine engen «Adam saýdasyna qarsy is-qımyl týraly» zańǵa sáıkes bul adamdar jaýapqa tartylýy múmkin bolǵan. Biraq, qoǵamdy dúrliktirgen oqıǵa 5 tamyzda anyqtalyp, 6 tamyzda ǵana shaǵym túskendikten, jańa zańnyń kúshi olardy qamtymaıtyny aıtyldy.
"Olardy shaqyrdy, keıbireýin jumys ornynan tapty, keıbireýin jumystan shyǵardy, taǵy birin jazalady, biraq bul qylmystyń sebebin olar óziniń qumarlyǵy nemese aqy tólep zorlyq-zombylyq jasaýǵa beıimdiliginen emes, kerisinshe, qyzdyń ózine jáne onyń oqıǵany jarııa etkeninen kórip otyr", – dep jazdy Tańsári.
