Qarmet مەتاللۋرگيالىق كومبيناتىندا وندىرىستىك قاجەتتىلىگى جوق عيماراتتار مەن قۇرىلىستاردى بۇزۋ باعدارلاماسى ىسكە قوسىلعانىن مالىمدەدى، دەپ حابارلايدى "ادىرنا" ۇلتتىق پورتالى Tengrinews.kz-كە سىلتەپ.
ەسكى، اپاتتى جانە پايدالانىلمايتىن عيماراتتاردى ءسۇرىپ تاستاۋ– كاسىپورىننىڭ وندىرىستىك قۋاتىن جاڭارتۋ پروتسەستەرىنىڭ ءبىرى.
"عيماراتتاردى بۇزۋ – كومپانيا ءۇشىن جاڭا باعدارلاما ەمەس. الايدا، 2024 جىلعى نۇسقاسى عيماراتتاردىڭ جەكەلەگەن ەلەمەنتتەرىن عانا ەمەس، تولىق كونسترۋكتسيالارىن دا الىپ تاستاۋعا باعىتتالعان. بۇل زاۋىت اۋماعىندا جاڭا وندىرىستىك نىساندارعا ورىن دايىنداپ، قاۋىپسىزدىك دەڭگەيىن ارتتىرۋعا مۇمكىندىك بەرەدى. قازىرگى ۋاقىتتا وتتەگى تسەحىنىڭ اۋا ءبولۋ بلوگىن، شيحتا تسەحىنىڭ كەيبىر عيماراتتارىن، كوكسوحيميا ءوندىرىسىنىڭ رەكتيفيكاتسيا تسەحتارىن، پايدالانىلمايتىن گالەرەيالار مەن قالىپتاۋ تسەحىنىڭ عيماراتتارىن بۇزۋ جۇمىستارى جۇرگىزىلۋدە. وسى شارالاردىڭ ناتيجەسىندە كومبينات اۋماعىندا شامامەن 50 مىڭ م² پايدالى الاڭ بوساتىلادى", – دەدى كاسىپورىننىڭ كۇردەلى قۇرىلىس جونىندەگى ديرەكتور ورىنباسارى الەكسەي داۆىدوۆ.
