بۇگىن، 8 جەلتوقسان كۇنى تەمىرتاۋدا وتكەن كومپانيا ۇجىمىمەن كەزدەسۋدە اندرەي لاۆرەنتەۆ QARMET كومپانياسىنىڭ باس ديرەكتورىن تانىستىردى، دەپ حابارلايدى «ادىرنا» ءتىلشىسى.
بۇل قىزمەتكە 60 جاستاعى ۆاديم باسين تاعايىندالدى.
ول ەڭبەك جولىن مەتاللۋرگيا كومبيناتىندا ەلەكترومونتەر بولىپ باستاعان. ۇلتتىق قۇرىلتاي مۇشەسى، «قازاقستاننىڭ ەڭبەك ەرى» اتاعىنىڭ يەگەرى.
باسين 2022 جىلعى قازان ايىنان باستاپ قاراعاندى وبلىسى اكىمىنىڭ ءبىرىنشى ورىنباسارى بولىپ جۇمىس ىستەگەن ەدى.
ەستەرىڭىزگە سالا كەتەيىك، بۇعان دەيىن ونەركاسىپ جانە قۇرىلىس ءمينيسترى قانات شارلاپاەۆ «ارسەلورميتتال تەمىرتاۋدى» اندرەي لاۆرەنتەۆ ساتىپ العانىن جاريالاعان بولاتىن.
قازاقستاندىق كاسىپكەر اكتيۆتەردى ساتىپ الۋمەن قاتار، ءوندىرىستى جاڭعىرتۋعا جانە ءوڭىردىڭ ەكولوگياسىن قورعاۋعا تاعى 3 ملرد اقش دوللارىن قۇيۋعا مىندەتتى، ونىڭ 1,3 ملرد دوللارى الداعى جىلى ينۆەستيتسيالانادى.
