ەركەبۇلان يلياسوۆ قازاقستاننىڭ ۇلتتىق سپورت قاۋىمداستىعىنىڭ پرەزيدەنتى بولىپ سايلاندى، دەپ حابارلايدى "ادىرنا" ۇلتتىق پورتالى تۋريزم جانە سپورت مينيسترلىگىنە سىلتەپ.
بۇگىن، 1 اقپان كۇنى قازاقستان رەسپۋبليكاسى ۇلتتىق سپورت قاۋىمداستىعىنىڭ كەزەكتەن تىس جالپى وتىرىسى ءوتتى. جيىنعا قر تۋريزم جانە سپورت ءمينيسترىنىڭ ورىنباسارى سەرىك جاراسباەۆ، ەلىمىزدىڭ ۇلتتىق سپورت فەدەراتسيالارىنىڭ پرەزيدەنتتەرى مەن وكىلدەرى قاتىستى.
قاۋىمداستىق قۇرىلتايشىلارى داۋىس بەرۋ ارقىلى جاڭا جارعى قابىلداپ، ناتيجەسىندە ەركەبۇلان يلياسوۆ ءبىراۋىزدان قازاقستان رەسپۋبليكاسى ۇلتتىق سپورت قاۋىمداستىعىنىڭ پرەزيدەنتى بولىپ سايلانعان. سونىمەن قاتار، جيىندا ۇلتتىق سپورت قاۋىمداستىعىنىڭ پرەزيدەنتى قىزمەتىن اتقارعان يسلامبەك سالجانوۆ سوڭعى ەكى جىلداعى اتقارىلعان جۇمىسى جايىندا كەڭىنەن ەسەپ بەرىپ، قورىتىندىلادى.
جاڭادان سايلانعان پرەزيدەنت ەركەبۇلان سايدوللاۇلى سەنىم بىلدىرگەن بارشا قر تۋريزم جانە سپورت مينيسترلىگىنە، قاۋىمداستىق قاتارىنا كىرەتىن ۇلتتىق سپورت وكىلدەرىنە العىس ايتىپ، 2025 جىلعا قويىلعان جوسپارىمەن ءبولىستى.
