استانا قالاسى مادەنيەت باسقارماسىنىڭ بۇرىنعى باسشىسى بولات ماجاعۇلوۆ "سۋبۇرقاق قۇرىلىسىنان قارجى جىمقىرعانى ءۇشىن" 8 جىل 6 ايعا باس بوستاندىعىنان ايىرىلدى، دەپ حابارلايدى “ادىرنا” ۇلتتىق پورتالى.
ەكىنشى ايىپتالۋشى قۇرىلىس كومپانياسىنىڭ باسشىسى ءمادي قاناپين ءومىر بويىنا مەملەكەتتىك قىزمەتتە قىزمەت اتقارۋعا تىيىم سالىنىپ، 3 جىل 6 ايعا باس بوستاندىعىنان ايىرىلدى. ءمادي قاناپين قالادان شىقپاۋ تۋرالى جازباشا مىندەتتەمەمەن سوت زالىندا قاماۋعا الىندى.
«بولات ماجاعۇلوۆ قازاقستان رەسپۋبليكاسى قىلمىستىق كودەكسىنىڭ 189-بابىنىڭ 4-بولىگىنىڭ 2-تارماعىندا («سەنىپ تاپسىرىلعان بوتەن مۇلىكتى يەلەنۋ نەمەسە اسا ءىرى مولشەردە جىمقىرۋ») كوزدەلگەن قىلمىستىق قۇقىق بۇزۋشىلىقتى جاساعانى ءۇشىن كىنالى دەپ تانىلىپ، 8 جىلعا باس بوستاندىعىنان ايىرىلىپ، ءومىر بويىنا مەملەكەتتىك قىزمەتتە لاۋازىمداردى اتقارۋ قۇقىعىنان ايرىلىپ، قاۋىپسىزدىگى ورتاشا مەكەمەدە جازاسىن وتەيدى» دەپ مالىمدەدى سۋديا اسەل مۇقىشوۆا.
