حالىق قاھارمانى، عارىشكەر تالعات مۇساباەۆ باتىس ەلدەرى قازاق ۇلتشىلدارىن قولداپ، ۋكرايناداعىداي رەسەي مەن قازاقستان اراسىنا ىرىتكى سالعىسى كەلەتىنىن ايتتى. بۇل تۋرالى ول رەسەيدىڭ تاسس اقپاراتتىق اگەنتتىگىنە بەرگەن سۇحباتىندا مالىمدەدى، دەپ حابارلايدى “ادىرنا” ۇلتتىق پورتالى.
«ءبىزدىڭ حالىق قاشان دا بىرگە بولدى — پاتشالىق رەسەي كەزەڭىندە، كەڭەستىك ۋاقىتتا جانە قازىر دە. بىراق، ايتۋ كەرەك، دەسترۋكتيۆتى كۇشتەر بار — نەگىزىنەن شەتەلدەن، — ولار گرۋزيا مەن ۋكرايناداعىداي نارسە جاساۋعا تىرىسۋدا»، - دەپ اتاپ ءوتتى ول.
مۇساباەۆتىڭ پىكىرىنشە، انگلوساكسوندىق كۇشتەر رەسەي اينالاسىندا تۇراقسىزدىق بەلدەۋ قۇرىپ، ەكى ەل اراسىنداعى دۇشپاندىقتى ناسيحاتتاۋعا تىرىسادى.
«بارلىعى جاقسى بولادى، — دەپ سەندىردى مۇساباەۆ. مەن سياقتى ويلايتىنداردىڭ سانى الدەقايدا كوپ. تاۋەلسىزدىك جاقسى، بىراق دوستىقتان ايىرىلۋعا بولمايدى! رەسەيمەن بايلانىستى ۇزبەۋ كەرەك. رەسەي — ءبىزدىڭ ەڭ باستى كورشىمىز جانە ومىردەگى ەڭ باستى سەرىكتەسىمىز»، - دەپ قوستى ول.
