Halyq qaharmany, ǵaryshker Talǵat Musabaev Batys elderi qazaq ultshyldaryn qoldap, Ýkraınadaǵydaı Reseı men Qazaqstan arasyna iritki salǵysy keletinin aıtty. Bul týraly ol Reseıdiń TASS aqparattyq agenttigine bergen suhbatynda málimdedi, dep habarlaıdy “Adyrna” ulttyq portaly.
«Bizdiń halyq qashan da birge boldy — patshalyq Reseı kezeńinde, keńestik ýaqytta jáne qazir de. Biraq, aıtý kerek, destrýktıvti kúshter bar — negizinen shetelden, — olar Grýzııa men Ýkraınadaǵydaı nárse jasaýǵa tyrysýda», - dep atap ótti ol.
Musabaevtyń pikirinshe, anglosaksondyq kúshter Reseı aınalasynda turaqsyzdyq beldeý quryp, eki el arasyndaǵy dushpandyqty nasıhattaýǵa tyrysady.
«Barlyǵy jaqsy bolady, — dep sendirdi Musabaev. Men sııaqty oılaıtyndardyń sany áldeqaıda kóp. Táýelsizdik jaqsy, biraq dostyqtan aıyrylýǵa bolmaıdy! Reseımen baılanysty úzbeý kerek. Reseı — bizdiń eń basty kórshimiz jáne ómirdegi eń basty seriktesimiz», - dep qosty ol.
