Halyq qaharmany, ǧaryşker Talǧat Mūsabaev Batys elderı qazaq ūltşyldaryn qoldap, Ukrainadaǧydai Resei men Qazaqstan arasyna ırıtkı salǧysy keletının aitty. Būl turaly ol Reseidıŋ TASS aqparattyq agenttıgıne bergen sūhbatynda mälımdedı, dep habarlaidy “Adyrna” ūlttyq portaly.
«Bızdıŋ halyq qaşan da bırge boldy — patşalyq Resei kezeŋınde, keŋestık uaqytta jäne qazır de. Bıraq, aitu kerek, destruktivtı küşter bar — negızınen şetelden, — olar Gruziia men Ukrainadaǧydai närse jasauǧa tyrysuda», - dep atap öttı ol.
Mūsabaevtyŋ pıkırınşe, anglosaksondyq küşter Resei ainalasynda tūraqsyzdyq beldeu qūryp, ekı el arasyndaǧy dūşpandyqty nasihattauǧa tyrysady.
«Barlyǧy jaqsy bolady, — dep sendırdı Mūsabaev. Men siiaqty oilaityndardyŋ sany äldeqaida köp. Täuelsızdık jaqsy, bıraq dostyqtan aiyryluǧa bolmaidy! Reseimen bailanysty üzbeu kerek. Resei — bızdıŋ eŋ basty körşımız jäne ömırdegı eŋ basty serıktesımız», - dep qosty ol.
