قازاقستان اەس قۇرىلىسىن سالۋعا الەۋەتتى مەردىگەرلەردىڭ سوڭعى ءتىزىمىن انىقتادى. بۇل تۋرالى ەنەرگەتيكا مينيسترلىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
«قازاقستان اتومدىق ەلەكتر ستانتسياسىن سالۋ ءۇشىن تەحنولوگيا جەتكىزۋشىلەرىمەن جۇرگىزىلگەن باسەكەلەستىك ديالوگتى اياقتادى. «روساتوم» مەملەكەتتىك كورپوراتسياسى قازاقستانداعى اتوم ەلەكتر ستانتسياسىن سالۋعا ارنالعان تەحنولوگيالاردى جەتكىزۋشىلەردىڭ شورت-تىزىمىنە ەندى. سونداي-اق، وعان كورەيالىق KHNP كومپانياسى، قىتايلىق CNNC جانە فرانتسۋزدىق EDF كومپانيالارى كىردى»، - دەلىنگەن حابارلامادا.
ايتا كەتۋ كەرەك، 2025 جىلدىڭ 21 قاڭتارىندا قازاقستان دەلەگاتسياسى، ەنەرگەتيكا ءمينيسترى الماسادام ساتقاليەۆتىڭ جەتەكشىلىگىمەن، رەسەي فەدەراتسياسىنا جۇمىس ساپارىمەن باردى.
«بۇل ساپار، تەندەر قاتىسۋشىلارىنىڭ ۇسىنىستارىن باعالاۋعا باعىتتالعان كەلىسسوزدەر سەرياسىنىڭ سوڭعى كەزەڭى بولدى. بۇرىن، 2024 جىلدىڭ قازانىنان جەلتوقسان ايىنا دەيىن وسىنداي ساپارلار وڭتۇستىك كورەيا، فرانتسيا مەن قىتايعا جاسالدى. جوبانى جۇزەگە اسىراتىن جەتكىزۋشى نەمەسە كونسورتسيۋمدى تاڭداۋ تۋرالى سوڭعى شەشىم ازىرگە قابىلدانعان جوق. بۇل شەشىم 2025 جىلى قازاقستاننىڭ ۇلتتىق مۇددەلەرىن، حالىقارالىق نورمالاردى جانە مىندەتتەمەلەردى ەسكەرە وتىرىپ قابىلدانادى»، - دەپ اتاپ ءوتتى ەنەرگەتيكا مينيسترلىگى.
