Aqtaýda qyzdy kólikke kúshtep otyrǵyzyp, zorlap, esirtki qoldanýǵa májbúrlegen bir top er adamǵa qatysty sot úkimdi ózgertti, dep habarlaıdy “Adyrna” ulttyq portaly.
Buǵan deıin, 29 jastaǵy fıtnes-jattyqtyrýshy Alına Serikova qorqytýdan keıin óz-ózine qol jumsaǵan edi. Bir top jigit sportshy qyzdy kóshede urlap áketip, uzaq ýaqyt qınaǵan. Birinshi satydaǵy sottyń sheshimimen bes aıyptalýshy uzaq merzimge bas bostandyǵynan aıyrylǵan. Biraq Serikovanyń otbasy úkimdi ádil dep sanamaǵan.
Osylaısha, 30 qańtarda Alınanyń zorlaý isi boıynsha sotqa apellıaııalyq shaǵym túsirý úshin ondaǵan adam jınaldy. Onyń inisi basty aıyptalýshyny ómir boıyna bas bostandyǵynan aıyrýdy talap etti.
Basty kúdikti Nurgeldi Seıitqalıev ómir boıyna bas bostandyǵynan aıyryldy. Qalǵan aıyptalýshylar Erkebulan Amanqos – 16 jyl, Aralbaı Mereı – 13 jyl, Darhan Qulbas – 13 jyl, Qýanysh Úsenǵalı – 13 jylǵa sottaldy. Sondaı-aq jábirlenýshiniń otbasyna 30 mıllıon teńge ótemaqy tólenedi.
