Ońtústik Koreıanyń Pýsan áýejaıynda Gonkongqa ushýǵa daıyndalyp jatqan Air Busan ushaǵy órtenip ketti. Bul tkraly Yonhap agenttigi jazdy, dep habarlaıdy “Adyrna” ulttyq portaly.
Aqparatqa sáıkes, ushaq bortynda 176 adam bolǵan. Barlyq 169 jolaýshy men 7 ekıpaj músheleri úrlemeli baspaldaqtarmen ýaqytynda evakýaııalandy. Órtsóndirýshilerdiń habarlaýynsha, evakýaııa kezinde úsh adam jeńil jaraqat alǵan.
«2025 jyldyń 28 qańtarynda shamamen 22:30 (Baký ýaqytymen 17:30) Kımhe áýejaıynda Gonkongqa baǵyt alǵan Air Busan ushaǵy otqa orandy. Osyǵan baılanysty 170-ten astam jolaýshy ushaqty shuǵyl túrde tastap shyqty. Qaıǵyly oqıǵa bolǵan joq», — dep habarlady agenttik.
Tótenshe jaǵdaılar qyzmetiniń habarlaýynsha, órt ushýǵa birneshe mınýt qalǵanda ushaqtyń artqy jaǵynda bastalyp, onyń fıýzelıajyna tez taraldy. Bort tolyǵymen janyp ketti.
Aqparatqa sáıkes, órt sóndirýshiler oqıǵa ornyna dabyl alǵannan keıin birden jetken.
