قاشاعان مۇنايىن تيەگەن «Taraz» تانكەرى اقتاۋ پورتىنان باكۋگە جولعا شىقتى. بۇل تۋرالى بۇگىن، 27 قاڭتاردا «قازمۇنايگاز» ۇك ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«ارى قاراي مۇناي باكۋ-تبيليسي-دجەيحان (بتد) قۇبىر جۇيەسى ارقىلى جەرورتا تەڭىزىنە دەيىن تاسىمالدانادى. ەكسپورتتاۋشى - «قمگ قاشاعان ب.ۆ»،—دەلىنگەن حابارلامادا.
كومپانيانىڭ ءباسپاسوز قىزمەتىنىڭ ايتۋىنشا، بۇل قادام ترانسكاسپي حالىقارالىق كولىك باعىتىن ودان ءارى دامىتۋعا ىقپال ەتەدى.
ەسكە سالايىق، 2022 جىلى «قازمۇنايگاز» ۇك اق مەن ازەربايجاننىڭ SOCAR مەملەكەتتىك مۇناي كومپانياسى اراسىندا قازاقستاندىق مۇناي ءترانزيتى تۋرالى باس كەلىسىمگە قول قويىلعان ەدى.
2024 جىلعى ناۋرىزدا قمگ مەن SOCAR اراسىندا ازەربايجان اۋماعى ارقىلى مۇناي ءترانزيتىن كەزەڭ-كەزەڭىمەن ۇلعايتۋ تۋرالى كەلىسىم جاسالدى. قۇجاتتا جەتكىزۋ كولەمىنىڭ جىلىنا 2,2 ملن تونناعا دەيىن ارتۋى كوزدەلگەن.