بەلگىلى ءانشى ديماش قۇدايبەرگەن «Virtuosos» حالىقارالىق بايقاۋىنىڭ 10-مەرەيتويلىق ماۋسىمىنا قازىلىق ەتۋ ءۇشىن ۆەنگريانىڭ بۋداپەشت قالاسىنا باردى. بۇل تۋرالى dimashnews.com جازدى، دەپ حابارلايدى «ادىرنا» ءتىلشىسى.
جوباعا ۆەنگريا، اۆستريا، سلوۆەنيا، سەربيا جانە چەرنوگوريادان كەلگەن ءتورت جاس تالانتتى مۋزىكانت قاتىسادى. جارتىلاي فينالدا ءار ەلدىڭ قاتىسۋشىلارى ءبىر-بىرىمەن جۇپ-جۇپ بولىپ سايىسقا تۇسەدى. سودان كەيىن فينالدا ءار ەلدەن بەس ونەرپاز ءبىر-بىرىمەن كەزدەسەدى.
«سايىستىڭ ەڭ جوعارى دەڭگەيى الەمگە ايگىلى مۋزىكا سالاسى ماماندارىنىڭ جوعارى قازىلار القاسىنىڭ قۇرامى ارقىلى راستالادى. ولار ءادىل باعالارىن بەرۋ ءۇشىن ءانشىنىڭ ورىنداۋ شەبەرلىگىن عانا ەمەس، سونىمەن قاتار قاتىسۋشىنىڭ ساحناداعى ءىس-ارەكەتىن، ونىڭ كورەرمەندەرگە ەموتسيونالدى اسەرىن دە ەسكەرەدى»،—دەلىنگەن حابارلامادا.
ەسكە سالايىق، بىلتىر ديماش قۇدايبەرگەن العاش رەت وسى بايقاۋدىڭ قازىلار القاسى قۇرامىندا بولعان ەدى. وتانداسىمىزدان بولەك، تورەلىك ەتەتىندەردىڭ قاتارىندا وپەرا تاريحىنداعى ەڭ ۇلى انشىلەردىڭ ءبىرى جانە ايگىلى ديريجەر پلاسيدو دومينگو، الەمدەگى ەڭ تانىمال تەنورلاردىڭ ءبىرى حوسە كاررەراس، اندرەا بوچەلليدىڭ باس مەنەدجەرى ۆەرونيكا بەرتي بوچەللي بار.
