كوپشىلىككە «كوزمونشاعىم»، «ۋاقىت»، «كوكتەمدە ۇيلەنەم»، «اقمارالىم» جانە وزگە اندەرىمەن تانىلعان جاس ءانشى جاندوس قارجاۋباي العاش رەت ءوز تىڭدارماندارىن ءان كەشىمەن قۋانتادى. جاس تالانتتىڭ العاشقى كونتسەرتى 7 اقپان كۇنى ساعات 19:30-دا رەسپۋبليكا سارايىندا وتەدى.
ونەر جولىندا تەك حيت اندەردىڭ ورىنداۋشىسى عانا ەمەس، اۆتورى بولىپ ۇلگەرگەن جاندوستىڭ تۋىندىلارىن قازاق ەستراداسىنىڭ بىرقاتار ازاماتتارى ورىنداپ ءجۇر. قۋاندىق راحىمنىڭ رەپەرتۋارىنداعى «جان دوسىما»، «الماتى»، كەڭەس ءالىمجان تانىلعان «ءوز جۇرەگىڭنەن ۇيالمايسىڭ با؟»، ءابدىجاپپار الىقوجانىڭ «كەلەسى كەزدەسۋ»، «حاقىڭ بار ءومىر سۇرۋگە» اندەرىنىڭ سازگەرى. مەرەكەلىك كەشتە جاس تا بولسا، ونەرىمەن باۋراعان جاندوستىڭ ومىردەگى دە ونەردەگى دە اعالارى مەن ارىپتەستەرى ونەر كورسەتەدى. ولاردىڭ قاتارىندا، ءابدىجاپپار القوجا، قۋاندىق راحىم، جۇپار ساداقباەۆا جانە وزگە دە ەسترادا وكىلدەرى ءان شىرقايدى.
كونتسەرتتە جاندوس قارجاۋبايدىڭ العاشقى شىعارماشىلىق جولىنان باستاپ، بۇگىنگى كۇنگە دەيىن تىڭدارماننىڭ كوڭىلىنەن ورىن تاپقان ۇزدىك اندەرى ورىندالادى. جۇرەكتى تەربەپ، جانىڭىزدى ەمدەيتىن ادەمى كەشتە ىرعاقتى اۋەندەرگە بيلەپ، جان تەبىرەنتەر ويلى اندەرگە بىرگە سىر شەرتەيىك!
بيلەتتەردى تيكەتون سايتىنان الا الاسىزدار.
