قازاقستاندىق تانىمال بلوگەر، پروديۋسەر جانە جۋرناليست دانا ورمانباەۆاعا حالىقارالىق ىزدەۋ جاريالاندى. بۇل تۋرالى "ادىرنا" ۇلتتىق پورتالى حابارلادى.
الماتى قالالىق پوليتسيا دەپارتامەنتىنىڭ مالىمەتىنشە، بلوگەرگە الەۋمەتتىك جەلىدە ۇلتارالىق ارازدىقتى قوزدىرۋعا باعىتتالعان مالىمدەمەلەر جاساعانى ءۇشىن قىلمىستىق ءىس قوزعالعان.
"الماتىلىق تۇرعىننىڭ الەۋمەتتىك جەلىلەردە قورقىتۋلار مەن بالاعات سوزدەر جاريالاۋىنا قاتىستى شاعىمىنان كەيىن، پوليتسيا ۇلتارالىق ارازدىقتى قوزدىرۋ بەلگىلەرى بويىنشا تەرگەۋ جۇرگىزىپ، كۇدىكتىگە قاتىستى قىلمىستىق ءىس قوزعادى. سوت شەشىمىمەن كۇدىكتىگە بۇلتارتپاۋ شاراسى رەتىندە 'قاماۋدا ۇستاۋ' سانكتسياسى سىرتتاي بەكىتىلىپ، وعان حالىقارالىق ىزدەۋ جاريالاندى،" – دەلىنگەن ۆەدومستۆو مالىمدەمەسىندە.
ايتا كەتەيىك، ورمانباەۆا الەۋمەتتىك جەلىلەردە قوعامداعى الەۋمەتتىك جانە ساياسي ماسەلەلەردى كوتەرىپ، ءوزىنىڭ بەلسەندىلىگىمەن تانىمال بولعان تۇلعالاردىڭ ءبىرى.
