تاراز قالاسىندا №53 مەكتەپ-گيمنازيانىڭ الدىندا ەر ادام ءوزىن ورتەمەك بولعان وقيعا تىركەلدى، دەپ حابارلايدى "ادىرنا" ۇلتتىق پورتالى ينفورمبيۋروعا سىلتەپ.
قالا اكىمىنىڭ ەسەبىنە قاتىسقان تۇرعىن پاتەر كەزەگىنىڭ جىلجىمايتىنىنا نارازىلىعىن ءبىلدىرىپ، باسشىنىڭ جاۋابىنا قاناعاتتانباعان سوڭ وسىنداي قادامعا بارعان.
جەرگىلىكتى بيلىكتىڭ مالىمەتىنشە، وت قويعان ازامات جالعىزباستى اكە بولعان جانە وزىنە قول جۇمساۋ ارەكەتىنە باسپانانىڭ جوقتىعى سەبەپ بولۋى مۇمكىن. وقيعا ورنىنا جەتكەن قۇتقارۋشىلار ونى امان الىپ قالعان. ەر ادام جەڭىل جاراقات العان، بىراق ونىڭ پسيحيكالىق ديسپانسەردە ەسەپتە تۇراتىنى بەلگىلى بولدى.
بۇعان دەيىن ماڭعىستاۋ وبلىسى اكىمدىگى الدىندا ازاماتتاردىڭ ءبىرىنىڭ ءوزىن ورتەگەنى تۋرالى حابارلانعان ەدى.
ۇقساس جاڭالىقتار
