ساتباەۆ قالاسىنىڭ تۇرعىندارى 8 قاڭتاردان بەرى قارا قارعا قاتىستى شاعىمدارىن الەۋمەتتىك جەلى ارقىلى جەتكىزىپ كەلەدى. ەكولوگيا دەپارتامەنتىنىڭ مالىمەتىنشە، بۇل قۇبىلىسقا "Kazakhmys Distribution" كومپانياسىنا قاراستى جىلۋ ەلەكتر ورتالىعىنان شىعارىلاتىن لاستاۋشى زاتتار سەبەپ بولعان، دەپ حابارلايدى "ادىرنا" ۇلتتىق پورتالى.
ەكولوگيالىق رەتتەۋ جانە باقىلاۋ كوميتەتىنىڭ حابارلاۋىنشا، قاردىڭ قارا تۇسكە بويالۋى اتموسفەراعا تازارتۋ قوندىرعىلارىنان تولىق وتپەي شىعاتىن زياندى زاتتاردىڭ اسەرىنەن تۋىنداعان.
"قاردىڭ قارا تۇسكە بويالۋىنا "Kazakhmys Distribution" جشس جىلۋ ەلەكتر ورتالىعىنىڭ قازاندىقتارىنان شىققان لاستاۋشى زاتتاردىڭ شىعارىندىلارى سەبەپ بولدى", — دەلىنگەن ۆەدومستۆونىڭ حابارلاماسىندا.
2024 جىلى ەكولوگيا دەپارتامەنتى وسىنداي جاعداي بويىنشا كومپانيانى تەكسەرىپ، 42,9 ميلليون تەڭگە كولەمىندە ايىپپۇل سالعان بولاتىن. كومپانيا ەكولوگيالىق تالاپتارعا ساي بۇزۋشىلىقتاردى تۇزەتۋگە مىندەتتەلگەن ەدى.
21 قاڭتاردان باستاپ دەپارتامەنت "Kazakhmys Distribution" كومپانياسىنا جوسپاردان تىس قايتا تەكسەرۋ جۇرگىزدى. ساراپشىلار جىلۋ ەلەكتر ورتالىعىنىڭ شىعارىندىلارىنىڭ كوزدەرىنەن سىناما الىپ، تالداۋ جاسايتىنىن مالىمدەدى. تەكسەرۋ قورىتىندىسى بويىنشا مينيسترلىك رەسمي اقپارات بەرەدى.
